ابتدي بك ياحليم وياودودي= يالله المعبود ماغيره دعينا
من بغى درب الهداية والرشودي = يتبع درب الرجال الراشدينا
استمع قولي بلا نقص وزودي = ثم ميز فاليسار وفاليمينا
راقب الله قبل تدخل فاللحودي = ثم لاينفعك مال ولابنينا
دينك الاسلام حددلك بنودي = لاتعداها وتخسر باليقينا
بين اللي فيه شر وفيه فودي = ذاك شر وذا سبيل الطيبينا
ديننا التوحيد له ساس وعمودي = من حفظها عاش عيش المسعدينا
ثم طيع ولا يجي منك الجحودي= طاعة الله والولي والوالدينا
والولي اليوم حاكمنا السعودي = دارنا تحظى بحكم العادلينا
كل ماجت معضلة عنا يذودي =كلنا له سامعين وطايعينا
ياعسى ال سعود دايم فالوجودي= حاكم غير السعودي مايجينا
عاش عبد الله لدولتنا يقودي = يالله انك تنصره نصر مبينا
وتحفظ اخوان لابو متعب عضودي= جعلهم باقين في طول السنينا
في بلدنا باذلين اقصى الجهودي = كلهم والنعم شئنا ام ابينا
السلف صاروا على نهج محمودي=والخلف مشيوا طريق الاولينا
جعل ميتهم في جنات الخلودي= وتجعل الاحيا دواما سالمينا
سير يابن سعود والقالة مهودي = قول بسم الله وربك لك معينا
العلم مرفوع في كل الحدودي= وانت تامرنا وحنا حاضرينا
سير ياكيد المعاند والحسودي = دام قايدنا انت والله ماعلينا
انت تملك حب من كل البدودي= حبكم جا من اله العالمينا
لعنبونا كان ماجينا جنودي = لك ولاخوانك وللي لك يعينا
قاله اللي حافظ عهد الجدودي = العهد محفوظ في غسر ولينا
وانت ياللي ماتراعي للعهودي = عاذنا الله منك يالداء الدفينا
من يخون العهد حظه مايسودي= خاين محسوب عند المسلمينا
فعلته زادت على فعل اليهودي= سجلت وصمة على راس الجبينا
لو سألت اجدادنا ذيك المدودي = كيف كانت حالهم ذيك السنينا
يالعل علوم راحت ماتعودي = بعد ماعشنا حياة الصالحينا
قلتها ماني ذليل ولا شرودي = قول ناس للفضايل طامعينا
قول صادق فالعهود وفالوعودي = قول عاقل غير قول الجاهلينا
العبيدي كان جا قدح الزنودي = احسبه ضمن الرجال المخلصينا
دايما مبداي في روس الحيودي = مانزلنا في محل السافلينا

المشاركة الأصلية كتبت بواسطة الكحيلة (المشاركة 1364376) يستاهل خادم الحرمين والوطن ومهما قلنا لانوفيه حقه شاعرنا وشيخنا الفاضل صح السانك لاهنت ولاهان منطوقك

المشاركة الأصلية كتبت بواسطة فهد ابن غانم (المشاركة 1364431) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة سـري للغــآية (المشاركة 1364488) ماشاء الله تبارك الله جزاله ومعنى وسمو هدف للـــه درك ودر حضورك المثمر الله يرعاك تحيـــــــــــــــــــــــ أخوك ـــــــــــــــــــــــاتي

المشاركة الأصلية كتبت بواسطة سعد المحمدي (المشاركة 1364588) والشيخ والشاعر حسين مريع العبيدي صح لسانك على القصيده الجزل وطاعة الله ثم ولي الامر يجب على كل مسلم وحنا تحت رايه خادم البيتين الشريفين الله يمد بعمره ويحمينا من الفتن ماظهر منها وما بطن