اطرد ورى رزقي وانا احضاب همّام=وعفت الوضايف عيفتي لتّجاره
خضنا تجاربنا على عزّ واسلام=ابغى حلال الرّزق مبغى غباره
ساعة دخلت السّوق وفخشمي اعرام=وانا اسمع اهل السّوق تذكر عباره
سوق التّجاره بشّطاره له انظام=قالوا شطاره ماانفعتني شطاره
فمحل في شارع يسمّونه احزام=شرق المدينه مرتفع به عقاره
روّح كفاحي بعد طوّل بالايّام=مثل الذي فالجوّ فارق مطاره
وبعت المحلّ اللي على الِشّارع العام=ابغى استفيد بواحد ٍ وسط حاره
كثرت خسايرنا عسى الخير قدّام=والاجودي ماهو محسّب خساره
وياصاحب انعدّه من ارجال فهّام=يرتاح منهو شاوره واستشاره
اما تجيب الشّور بالحضّ لانام=ولا شكيت الحضّ عند الاماره
وانا اعرف الرّزاق مهو بظلاّم=لاكني افضّفض لكم من مراره
يالله تقيم الحضّ والحضّ لاقام= ماهو بطايح لابنينا العماره

اطرد ورى رزقك ولا ظن تنلام = لابد من يوم الك منه زيارة
واعرف ترى الدنيا مقادير واقسام = ولاحدن بها ياخذ مقاسيم جارة
لابد تتحققلك فيوم الاحلام = ويجيك بعد الشح بحر الغزارة
واحذر تعيش اللي بقالك بالاوهام = ترى الوهم راعيه سهل انكسارة
والا الحياة ايام وايام وايام = والحر يفهمها بلمح الاشارة
خل النظر ياصاحبي دوم قدام = والرجل مايطفي عن الضيف نارة
ولا كل ما فالسوق ياخوك ينسام = بعض اللذي فالسوق مثل السجارة
وانت صقر والصقر ياصقر لاحام = دسم مخاليبة بصيده جدارة
لو كان بالاحلام مامات صدام = يوم العدوا بالفعل قوم جدارة
الحظ مايرخي عزومك ياضرغام = ولاخاب من مثلي وانا اخوك جاره
لن كان في مشكلتك لمدي اسهام = ابشر بمن مده لمثلك بشارة
قول وفعل ماهي دعاياة واعلام = والرجل من يمناه تصفق يسارة