يا طير وصل لراعي القيل والقال=يا طير وصل له كلامي وقله
ان صرت وحدي عن ثمانين رجال=ولا الخوي وقت المواقف اصله
راعي وفا ماغبت في كل الاحوال=حتى الردي انزله في محله
مطنوخ انا بالدين والجاه والمال=والخصم قولي يا عرب خضعٍ له
ياهيه ماني من كثيرين الاقوال=انا من اللي ظللك تحت ظله
ولاني من اللي سالكٍ درب ميال=درب الرجال العرب دربي وادله
وان كان رجعت للمواقف والافعال=انا الذي يعرف بقوله وفعله
وان عقدت وان صكصكت جيت حلال=اللغز ما يخفى على الشيخ حله
لقبت انا بالرمز وبذخر الابطال=والهرج بعضه عنك ياهيه خله
ما يٌنشري وينباع بجنيه وريال=غير الذي نفسه ضعيفه مُذله
اما نقول الحق او نصمت علي الحال=ولساننا نحفظه من كل زله
انا وانا لن قلت انا فارس وخيال=اسمي مشرف فالمواقف سجله