|
أيامنا أكبر مدرسه
السلام عليكم ورحمة الله وبركاته اقدم بين يديكم هذه القصيده أتمنى أن تحوز على رضاكم . . . .
مالي شهاده في السياسه لكن أخبرنا الزمان= بدروس ماتنسى ولو نصف العرب ناسينها أيامنا أكبر مدرسه ودروسها أفصح ترجمان=يشرح ملفات الدهور شهورها وسنينها أحدن بغيره يتعظ يمشي على بر الامان = واحدن مايعرف نبتها يالين ياطى طينها والعاقل اللي منتبه مايلدغ بنفس المكان = بدري عليها ام القرين اللي تهش قرينها واللي ماربي فهمه لو جاه نص الامتحان = قدام يدخل لجنته قال الاجابه وينها أيامنا يدرج رحاها والزمن ماله ضمان = واحدن يحضر حبها واحدن عليه طحينها العالم الاول بما عنده مأمن له مكان =في غابة (ن) قويها يغلب على مسكينها وليا نوو بالسبع نكبه رجعو عشره ثمان =يالين تستسلم سباع الغاب لابن حصينها أنشهد إن العلم والابداع للطاله عنان =والرؤيه اللي شامله في خطة ماشينها ساس الحضاره والتطور والرغد والهيلمان =واعظم موازين القوى تكمن فوسط يدينها ولا العرب في زايد النكبات يالله المستعان= لاخطة بادينها لاخطة منهينها باقين في ربيعهم اللي مانعرف كيف فان = ماقول غير أسئلك يارب العباد تعينها وأكبر دليل إن الخطط تبني لها أعظم كيان =دولة إيران الحاضره بعد خطط خمسينها أسقت تراب المستحيل وزرعها للناس بان = لو إنها تكفر بربي وتعبد لحسينها ماتمشي ألا في الظلام وجالها في الوقت شان = قدرت توسع من مغازيها وتنشر دينها وأنصارها وأتباعها صارو لها حصن وأمان = قدامها وفخلفها ويسارها ويمينها الله يشتت شملها تشتيتة أفكار الجنان = ولاعاد يبقي ربنا رايه لها ويهينها وحنا العرب اللي بلهجتنا نطق كل القران =عيالنا مزرين نقنعها ولا مهدينها في غفلة (ن) مانتعظ قدام مايفوت الاوان = وليا اتعظنا سرع مانكباتنا ناسينها الفكر يحرب بالفكر ولا السنان له السنان= وشرهة مجانين العرب قالو على صاحينها تكفون ياقاداتنا وشيوخنا واهل البيان = عقولنا مستسلمه جدا لمن غازينها قودو مسيره شامخه يشر عليها بالبنان = قبل مخطط شينها يغلب مخطط سينها وختامها ماحز في قلبي نطقته باللسان = والله يديم العافيه والنخله وسيفينها وسلامتكم |
مالي شهاده في السياسه لكن أخبرنـا الزمـان=بـدروس ماتنسـى ولـو نصـف العـرب ناسينهـا
تسجيل تواجد في منبر الجزاله صح لسانك مليون على القصيده والله يـعـطـيـك الـعـافيـــــــــــة بيض الله وجهك |
كلام جميل
سلمت. |
صح لسانك
.. .. أسجل اعجابي بالقصيدة .. ويعطيك العافيه .. |
اقتباس:
صح بدنك والله يعافيك ويبيض وجهك أسعدنا مرورك لاعدمناك |
اقتباس:
سلمت يالغالي أسعدنا مرورك لاعدمناك |
اقتباس:
صح بدنك أسعدنا مرورك العطر لاعدمناك |
صح لسانك يالنشمي وبيض الله وجهك
قصيده جزله وكلام مليان لاهنت ولا هان منطوقك |
مالي*شهاده*في*السياسه*لكـن*أخبرنـا*الزمـان بدروس*ماتنسـى*ولـو*نصـف*العـرب*ناسينهـا
أيامنـا*أكبـر*مدرسـه*ودروسهـا*أفصـح*ترجمـان يشرح*مـلـفـات*الـدهــور*شـهـورهـا*وسنيـنـهـا صح لسان الشاعر : سامي البلادي قصيده فيها من الحكمه الشيء الكثير وغزارة المعنى .. وانا عضو جديد على الملتقى ولم اسمع لك من قبل حتى اتكلم عن احترافك ومقياس شاعريتك ولكن هذا النص يثبت انك شاعر متمكن .. تقبل تحياتي |
صح السانك لاهنت
ولاهان منطوقك الرااقي |
الساعة الآن 09:55 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir