|
لاشبت الحرب وبدى طاحن الحرب اقول خلو لكل حربي مجاله
لاشبت الحرب وبدى طاحن الحرب=اقول خلوا لكل حربي مجاله اللابه اللي زعزعت دولة الغرب=وخلت سديد الراي يهرج لحاله مسروح سربٍ والسوالم لها سرب=اللي يمين الجيش واللي شماله افعالهم بالحرب سيلٍ مخرب=سيلٍ جرح صم الصخر مع سهاله واللي بصف الضد شقوالهم درب=دفانة ركبها وعليك الكماله اقولها ويقولها باقي العرب=سلايل المزنان ونعم السلاله حمّاية الريات لازوّد الكرب=ليا غدى لسيف المنايا ضلاله امجادهم امثال تذكر وتضرب=من عصرنا الحاضر لعصر الجهاله فتح الفتوح سيوف تاكل وتشرب=والقايد النعمان اروع مثاله وبفتح مكه عدّ الفٍ مدرب=الفٍ من المزنان عز وجماله اثنى عليهم خالق الناس من ترب=في محكم التنزيل جلا جلاله وبالشعر نصعق مثل صعق المعقرب=زهير بن سلمى بشعر الجزاله ابا اتفاخر واجعل النفس تطرب=ومن لاافتخر ودك تقطع حباله شاعر مزيني هيّضه مدحة الرب=وحرك هجوسه فعل عمه وخاله وختامها صلوا عدد مجتمع حرب=على رسولٍ جاب بنور الرساله |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح السانك يا ابن العم بيض الله وجهك |
صح لساانك قصيدة جزلة .. تقبل تحيتي والى الامام
|
صح الله لسانك ولاهنت وسلم فكرك وبنانك دمت برعاية الله وحفظة |
الحب الباقي
صح الله بدنك مليون وشكرا على مرورك |
نديم المجره
صح الله بدنك اخوي وأشكرك على تعليقك |
راعي الوفا
انت الجزل وصح الله بدنك اخوي |
فهد ابن غانم
صح الله بدنك وأشكرك على مرورك |
كلام جميل ورائع
الله يعطيك العافيه |
الساعة الآن 05:03 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir