بن هليل طالب الربع جعل الامر خير=قال يمكن نقص باللعب من شعارها
سوقها يابن هليل مثل سالم الزيـر=يمكن انك تحيي الربع مع حضارها
يا وسيع المعرفه جيت والصاير يصير= وكل لحيه يا عميلـي لهـا مقدارهـا
الذهب موجود والسيف ابو حدٍ شطير= وانت رجلٍ تبخص السالفه وأسرارها
ياعلي لو صار للصقر برقع مايطير=وانت خابر صقر للصيد ياصقارهـا
كم شاعر بيننا يصخر القاف تصخير=مار خلي السالفـه لاتولـع نارهـا
المثل مثل الدرر والدرر تبغى خبيـر=وانت فالغبه مـع الـدره ومحارهـا
بس تكفى وانت في غبة البحر الغزير=هـات ليَـه درةٍ ماتبـور أسعارهـا
ياعلي من يتبع البحر والعلم الخطير=نوخـذه والنوخـذه قايـدأ بحارهـا
كيف تبغى درةٍ وانتي صاحب هوامير=ياعساها صحبتأ تبني ساس اجدارها
في طويل الظل خلك عن الظل القصير= زمة البندق وخـان الزريـق عيارهـا
طيع شوري قبل تاصل ليا الرمق الاخير=واستشرلك لحيةٍ ماغدى مـن شارهـا
كنت احسبك ياهليل ترى شايب ضرير=لين بأن احزامكم والعصى بمزمارها
ياعلي ماكل من ضاع اصبح للحضير=كل ابوها ناقتن ومستشار احوارهـا
حبةٍ ما تنطحن لو رحاها مستدير= مثل هرجة هارجٍ ماربيت بكارها
ما رجينا من حلالك قليل ولا كثير=ولاحسبناحساب لام اللبن وبكارها
حبةٍ ما تنطحن لين أصـل للغديـر=والرجال احرار منتا بشاري أفكارها
لو تجيك أم العباية تخمك يالمديـر=ثم تحسب حسبت القوم ويا اصغارها
انت وشبك تطبخ لك شهيق ولك زفير=استرح في ديرتك والعرب في دارها
لو تجينا ام العبايـه نلبسهـا حريـر=ثم تروَح راضيه ما شكـت زوارهـا
يالعميل المحترم القلوب الها ضمير=والعرب لو جيتها كاد تكرم جارها
مار خلك ياعميلي على ظهر البعير=ديرتأ في ديرتأ اتعبتـك اسفارهـا
النويمي قام يخلط مع القمح الشعيـر=حاضرٍ دقنه وعقلـه يحـل استارهـا
اصطفق في يومٍ اسوَد عبوسٍ قمطرير=من يدله للسنع والعـرب وانظارهـا
هذي من يعدها يوم نسمع لك صفير=ولا انا ماني بمثلك يحب سمارهـا
تالي الايام ندري وساطك زمهريـر=مار فرضك ياعلي لايجيك انذارهـا
ان تكلم من ذهب وان سكت حلم الامير=والكواكب فالسما من يحجـب أنوارهـا
في رخيص الهرج ماني عوين ولاخشير=وذمةٍ تاسع بلـد مـا نقلـت اوزارهـا