|
( شتات أخر زهوراتي ) جمعتها للإطلاع فقط لعلها تنول إستحسانكم
أخواني في هذا الصرح أوضع بين يديكم أخر زهوراتي أتمنى أن تنول رضاكم وإستحسانكم للإطلاع فقط ( 1 )
فالذاكره مابِقي لك شي=كُل ماتركتُه في بُعدك مات مااااااغير جَرح المشاعِر حي=عايش مِعي في صميم الذات ( 2 )
الصمت ينجيك ويقدّيك=وهرج القفا دوم لُه ناسُه اللي هرج فيك لا يشقيك=هرجُه يعوِّد على راسُه ( 3 )
أنا مع الناس نياتي=مالي غرض في نوايا الناس ومِن وكّل الله فالآتي=بقدرتُه مايصيبُه باس ( 4 )
حيرّني الوِد في أمرُه=وخلا المخاليق في حيره مِن يحتسِب فالغرام أجرُه=ويفُضها بيننا سيره ( 5 )
إحسب خسارتك لأصحابك= مِقدارها كم لين اليوم ؟ يمكِن عن الكِبر ترقابك=وترجع مكانتك بين القوم ( 6 )
يامن عماك الغدُر مشكور=مِن قلب صادق معد يآمنْك شجّعتني أكشِف المستور=وأعلِّم الناس عن معدنك ( 7 )
غرام قلبي زهم لُه ناس=أخلوه ولحاجِتُه جاني لما جعلتُه عليهم راس=أخلا فؤادي وخلاني ( 8 )
مْحال جرح الغرام يمُر=وبِمعَالَج مِسببُه يسلم لأن طعم الحقيقه مُر=وآمْر وأدهى من العلقًم ( 9 )
كُل ماتَغاضى نِظر عيني =عن جور قلبي وماسواه ذِكرى جروحُه تصحيني=مِن عِز نومي لجِل فرقاه ( 10 )
أيامنا نورها شارِق=تبّين الفرق فالأصحاب واللي عيونُه على الصادِق=مايحتِمل شوفة الكذاب ( 11 )
لو صاحبي يختلِف مبداه=أعلِن عليه الهجِر وأبدا وأحفظ لُه الطيب ماأنساه=لأنها مسألة مبدا ( 12 )
مِن يحسِن الظن فالمظنون=ويجازي الطيّبَه بإحسان ؟ لاشاف راعي الهوى مطعون=محروم مِن نِعمة النسيان ( 13 )
أعايِد الناس لعِيونَك=يافَن ياذوق يامياس ومايكمل العيد مِن دونك=لو عايدوني جِميع الناس ( 14 )
تِغَّرَبَتبي أحاسيسي=بين الآسى وإحتدام الياس للقُرب قاموا بتدريسي=ماهمهُم غُربة الإحساس ( 15 )
لا شافني قال خالي همْ=ويقول للناس ياحظُه مايدري إني أصمْ أبكمْ=والحال فالوِد مِن بعضُه ( 16 )
هاجوس شعري مِشاغِلني=أزريت أراضيه وأرضابُه اخوكملكَن عسى الله يجَمْلني=وأسدِد الطيب لأصحابُه ماجد أبومديده |
صح لسانك والله يـعـطـيـك الـعـافيـــــــــــة بيض الله وجهك |
اقتباس:
تعم للحرف جمال وروعه لمن يحسن صياغة الكلمة صاحب الإبداع هو وحده من يصنع الإبداع كيف لا ونحن أمام شامخ وعالي المرقاب في عالم الشعر (( ماجد بن عبد الله الجدعاني )) استاذ ولا نوفيه حقه شكرا ابو عبد الله امتعتنا و رويت عطش المتلهفين لجمال الكسره |
رواااااااااااااائع
الله يعطيك العافية ويبيض وجهك استمتعت بمروري |
صح لسانك وبيض الله وجهك
زهورات من بساتين الإبداع لك خالص التقدير |
تبغانا تقطع ثيابنا يابو عبد الله وش نقول مبدع ورائع ماتوفي لكن روح عسى الله يبقيك ويسعد لياليك
ويحفظك لعين ترجيك قول امين تحيتي |
صح الله لسانك ولاهنت وسلم فكرك وبنانك دمت برعاية الله وحفظة |
[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"] [table1="width:65%;background-color:black;border:4px solid orangered;"] صح لسانك كلماتك غايه في الروعه أحييك على هذه الكسره المتميزه دمت ودام شعرك وبوحك | [/table1][/table1] |
صح الله السانك
كسرة عانقة السماء بجزالتها وأبداعها تحياتي لك |
صح لسااانك ياأبوعبدالله كسرااات تكتب بماء الذهب
دمت بأطيب ود |
الساعة الآن 08:25 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir