يالطيف الحال حالي الله الله يالطيف=من لجيج ذياب همي لاعوت في كل ريع
يوم اميز في ليالي كنت كالضلع المنيف=مع ليالي ضاع مني كل شيءٍ ما يضع
السنين اللي تعدت عودت ليَّه خريف=والسنين اللي تبقت ما انتظر فيها ربيع
وانا من جرحٍ تغلغل داخل القلب الرهيف=ومن بلاوي وقت عيَّا مع ظروفي لا يطيع
السريع اليا استلمته أتعدى للرصيف=والرصيف اليا استلمته أتعدى للسريع
آه يا دنيا غريبة كيف يامنك الحصيف=كيف خليتي فؤادي لك يا الدنيا المطيع
وأعرف أني يا الدنية فيك لو طولت ضيف=وأعرف اني ياشقايه جيتك الطفل الرضيع
وأعرف أنك لو وعدتي كل ما تبدين زيف=وأعرف أنه من شرانا لا لقي مكسب يبيع
استر استر يا زماني لا تقلي كيف كيف=لا تقلي يا زماني روح للسد المنيع
من عطيته دم قلبي ما تأثر فيه حيف=ولا عطاني ما استحقه ولا حفظ ليه صنيع
وفي النهاية ما اتوقع التقي ظلٍ مريف=بعد ما طال النهار وضيق الصدر الوسيع
لكن رجايه في رحيمٍ لا تقرَّبت المهيف=ما يخليني لحالي .. ذالك الحق السميع

المشاركة الأصلية كتبت بواسطة بن نامي (المشاركة 1346081) صح لسانك ياولد العم كلام زي الدر تحياتي لك

المشاركة الأصلية كتبت بواسطة الحب الباقي (المشاركة 1346084) تسجيل تواجد في منبر الجزاله صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1346090) الشاعر الجزل محمد اليوبي صح لسانك وبيض الله وجهك

المشاركة الأصلية كتبت بواسطة حفيد الحجيري (المشاركة 1346104) جزل وبيوتك جزله يابو هاني صح لسانك وبيض الله وجهك ابدااااااااااااااااااااااااااااع × ابداااااااااااااااااااااااااااااااااااع لا عدمناك