|
مافعلت الطيب وابغى منك رده
مافعلت الطيب وابغى منك رده=ياردي النوع وضعييف الاراده مابذلت الجود لاجل انك تعده=منك يالمسكين مانبغى شهاده وادري انك يالردي ماانته بقده=مير فعل الطيب والمعروف عاده اصنع المعروف مانشد عن مرده=العوض من واحدٍ يكرم عباده لانصاني واحدٍ ظرفه يحده=ابذل المجهود واجهدله زياده باب فيه الخير لايمكن نسده=دام بوجيه البشر يرسم سعاده وانت وقت الضيق والله مانعده=يابخيل الكف ماعندك جلاده كم لفالك واحدٍ ماعنه صده=مانفعته وانت تقدر يالكداده وان حصل بالوقت عثراتٍ وشده=عارفين اهل الوفاء واهل الرياده بالشدايد للمواقف مستعده=الرجال اهل المواقف والسياده |
تسوي به طيب وبعدين تسبه
والله مشكله يانداءههههه صح لسانك |
اقتباس:
والانسان اللي مايفعل الطيب ولايقدر اللي يفعلونه يستاهل اكثر 0 صح بدنك وشكرا على مرورك الطيب ومثل عارف تحيتي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الشاعر القدير نداء الغيداني صح لسانك مبدع الله يعافيك |
صح السانك لاهنت
ولاهان منطوقك |
الشاعر الرااااااااائع
نداء الغيداني صح لسانك وعتلا شانك ابو سامي انت شاعر جزل دايم قصائدك هادفه |
مجاراه من الشاعر رجا جهز الهويملي
يانداء حد الردي للطيب حده=علمه للطيب وسلوب الركادة عن طريق أهل الردى حاول تصده=لين يرجع عن خطاه وعن عناده عن مشاريه العرب والناس عَدّه=لا تدقق وش وراه وش مراده واحدٍ ضاري على نوم المخدة=مايفكر كود في شربه وزاده لو تبي تركض ورى هالنوع مدة=ماتميز وش بياضه من سواده قدم المعروف في مثله وهِدّه=وأنت راع الطيب متوسق شداده لالتزم في فعل ابوه وفعل جده=زرعك اللي تزرعه تجني حصاده وإن رفض ياعل شيطانه يلده=في مساه وفي ضحاه وفي هجادة وأنت رجلٍ ضاري لشغل المكدة=في لهيب الوقت وإلا في براده سوق رجلك بالفياضِ المجرهدة=لاتوقفك الحماطة والعراده |
الشاعر الرااااااااائع
نداء الغيداني صح لسانك وعتلا شانك |
اقتباس:
وشكرا على مرورك تحيتي |
الساعة الآن 01:20 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir