صـــــــيــــــــــــاف الــــحـــــربــــــــــــي=
ياسـلام الله ودار العـز مرفـوع علمـهـا=عقب شعشع نورها والظلم حال العدل دونـه
الثبيتي لو اقـول اقسـم عيونـك ماقسمهـا=والتفت فيه بنظـرة حسـد ويطيـر عيونـه
مــــطـــــــلـــــق الــــثـــــبــــيـــــتـــــي=
يحفظ الله الجزيرة والشجـاع اللـي حكمهـا=مثل قصر ثابت السيسان واخوانه حصونـه
صاحبي صيـاف ينهبهـا وياكلهـا بدمهـا=ليتها ماتاصل الحنجور تنشب فـي سنونـه
صـــــــيــــــــــــاف الــــحـــــربــــــــــــي=
المطية ماتقاود غيـر مـع رجـل خطمهـا=لو يضيع خطامها من طردها كثرت غبونـه
انت اشوفك تفرس الصيدة وتاكل من لحمهـا=والخوي لاضيع القانـون قامـوا يشمتونـه
مــــطـــــــلـــــق الــــثـــــبــــيـــــتـــــي=
المطية خلها فـي الـدرب لاتكتـم نسمهـا=واحترص من غضبة الجمال لايضربك شونه
كل حية سمهـا فـي بطنهـا سديـت فمهـا=وان لقيت الوعل ابو قرنين اطقه في قرونـه
صـــــــيــــــــــــاف الــــحـــــربــــــــــــي=
اكثـر العربـان يلزمهـا وكنـه مالزمهـا=ثم راح من الزعل يمشي ويقطع من ردونـه
انت مثل العقرب اللي تخلع النـاس بوحمهـا=مار جاها قاريُ شاطر دهنهـا مـن دهونـه
مــــطـــــــلـــــق الــــثـــــبــــيـــــتـــــي=
ماعليه من عجوزك كان ماضـوت غنمهـا=وان زعل صياف جعل اللي وراه يحول دونه
امس يبني عشته في الضلع واليـوم يهدمهـا=والهبايـب ماتهبـه والطراقـي مايجـونـه
صـــــــيــــــــــــاف الــــحـــــربــــــــــــي=
الله انه ينصر السنـة ويظلـم مـن ظلمهـا=والعرب مايطحنـون الحـب ليـن يفتشونـه
لو تشوف العشة اللي صاحب الخبرة حزمها=فوق ضلع كل ماطاح المطر تثمر غصونـه
مــــطـــــــلـــــق الــــثـــــبــــيـــــتـــــي=
الآشارة فآخر الشـارع بصدامـه صدمهـا=الونيت اللـي قديـم وكـل يـوم يوظبونـه
المنايا ياوسيـع العـرف مايخطـي سهمهـا=مارخلك صالـح النيـة وعمـك لاتخونـه
صـــــــيــــــــــــاف الــــحـــــربــــــــــــي=
القلوب العمي خل الذيب ياكل مـن شحمهـا=والونيت اللي يسوقـه صاحبـه لاتقربونـه
ليت بقعاء تلمس الرمضاء وتاكل من قدمهـا=وانت يابو راس راسك ماتغير عـن متونـه
مــــطـــــــلـــــق الــــثـــــبــــيـــــتـــــي=
العيون اللي تهـل دموعهـا منهـو لطمهـا=لو عرفته كان خليـت الجماعـة يحبسونـه
المطية يوم ريض مشيها محـد( ن ) نهمهـا=لو نهمها كان تاصل مطرح (ن)ماتاصلونـه