ملتقى قبيلة حرب الرسمي - الحريبي ينفض اللحية ويطوي في معمه=طار عقلـه من شليويـح المطيري والزلامي

الحريبي ينفض اللحية ويطوي في معمه=طار عقلـه من شليويـح المطيري والزلامي
البعير اللي يشيل الحمل عود يرضع امه=بعد قالـوا شامخ النيبـان مردوم السنامـي

الحريبي يوم غنى حطكم في راس كمـه=ثم خلاكـم عجينـه كن مافيكـم عظامـي
الجمل يمشي عل الدرب وكلامك ما يهمه=من هديـره قمت من نومك وحرمت المنامي

الزمان اللي ستـر حالك وحالي لاتذمـه=والحرم من دونه المسعـى وبيبان السلامي
انت داب كل ما حرك شدوقه سال سمـه=والله انا مانـذوق السم يا لداب التهامــي

انت ذيب تكره البارود لو انك تشمــه=ما تحب النور الابيض ما تحب الا الظلامي
الطعام اللي ليا شفته على صدرك تضمه =لا تقول انه حـلال ولا تقول انـه حرامـي

علموا صياف لايتبع خفيف الظل عمـه =دام انـا وياه فالمذهـب وفالطرقـه ليامـي
و الله إنا ما نبا اللي بيننا نقال نمـــــه=بعد عـود بيعـةٍ بين القبايـل ما يسامــي

انت اشوفك كل ما تسرح تضوي لك مطمه=تحسد المسلم على دينه ليا صلى وصامي
لا يزعلك الكلام اللي عسى ربي يتمــه=ثم بـعده تستريـح بلا شـراب ولا طعامي

كل شيٍ في طريقك يابيض الشارب تخمه=لين ضيعت الفشـق والبندقيه والحزامــي
ان نثرت العفش ياصياف ماتقدر تلمه =وان قربت من العرب ميسمك جوف النار حامي

لو بيشر لـك على باب الخزينه رحت يمه=وان نظرلك نظرة حمراء تعديت النظامي
المسافر ما يطب البحر ليـن انه يطمــه=يذكر الله في بلد مكـه ويلبس له حرامـي

انت مانت مستشار ولاانت ريس مجلس امه=انت غصن الحنظله مالك زهور ولا نوامي
جيت عند الحسو ضامي مير ماللحسو جمه=ماخبل اللي يحسب ان الحسو يروي كل ضامي

لو حطوك العرب ريس قضاء مافيك ذمه=يوم تضحك لي بسن ويوم تزعل من كلامي
لاتنـزلك الدروب العوج وانت براس قمـه=ثم لو اتمـوت ماقلنـا لعلـه للـرحامـي

والله انك تعرف النقاش صواغ الازمـه=هات ياصياف خشمك كان تبغي له زمامـي
ماخبل اللي يرسلونك يالحريبي في مهمه=وانت في رجلك سلاسل وانت في راسك خطامي

ثوبك الابيض تغير يوم طولت الاكمـه=مير ليتك تصبغه بالسـدر وعروق البشامــي