سرور البشري=
سلام ياراعي المــآقــف=يامـــكـــمل الواجب الغــصاب
ياصلك مني على الواقــف =مايــدّرق عن هذاك الباب
سالم البشري=
ترحيب مايحرفـه حـارف=ماتنقـفـل دونـــه الابـــواب
مني قبل لاتصل عارف=ينصاك يامفتل الأشناب
سرور البشري=
يامن فقصر الوفاء شارف=مشرف وعن قمته ماغاب
لك منزله وانته العارف=الذيب منصي وينصى ذياب
سالم البشري=
سلمت وزعة أبو نايف=متوسّقه عالي المرقاب
والذيب فالمنزل النايف=يستقبل الكل بالترحـاب
سرور البشري=
لي جرح وسط الحشا صايف=وقصته شبه (رمح ذياب)
ولاهو خيال اشتكي زايف=ذي بلغتي دون بحث اسباب
سالم البشري=
احب اطمنك لو خايف=لامشرطي يلحق الأعصاب
لاتخاف سالم علي شايف=الجرح سطحي فلاترتاب
تضميده بيدك والصالف=مايدوم لاحصّل استطباب
انظر بعين الرضا هاتف=واقعك وابعد عن الانشاب

المشاركة الأصلية كتبت بواسطة حرب (المشاركة 1329961) ياسلام ياسلام ابدعتم والى الامام

المشاركة الأصلية كتبت بواسطة الحب الباقي (المشاركة 1329963) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة صقر المراقيب (المشاركة 1329990) ياسلام ياسلام الجبل ...و...العمده صحت الالسن وطابت القلوب