مرحبا ترحيب من نوعه فريدي = حيًر الضباط وجنود العساسه
يجتول ولاتقيًد له بقيدي = والمنافس معلنِ كامل فلاسه
صال عرض وطول والمغزى بعيدي = يرجف العالم بغزره واحتباسه
فيه من حب الرشيدي للرشيدي = وفيه من وصفة جبل رافة مساسه
وفيه من طعم العسل شيٍ وكيدي = والخزامى ليًست جوفه لياسه
وفيه جورِ مثل جورات الصعيدي = فوقها نصب وتلوًاي وبلاسه
وفيه عز وبالوفا ماله نديدي = وفيه لاغدرِ ولا شغلة بساسه
وفيه رايٍ لاصواب ولا عنيدي = وفيه لاطيبه ولا زودت نجاسه
الأهم إن ظاهره بلسم وريدي = خذ من الورد احركاته واجتناسه
ياصل الحربي عسى حظه سعيدي = خفًف الله عنه من همًه وباسه
وصًله بالحال ياساع البريدي = وانتبه لحدٍ يقرٍب من نحاسه
ون لفيت الغمر ابو رايٍ سديدي = فاعرف انه مزبنك واعطه مقاسه
واخبره ماعاش ابو طبعٍ جحيدي = والكفو جعل الردي يفدا مداسه
وانتبه له فالولد سدًه جويدي = من سطاوة مابه افطن للتماسه
واخبره ماللحديد الا الحديدي = فاهمينٍ بدع قافه واقتباسه
يبشر ابنا لين ياخذ مايريدي = بالنظام وبالنخاوي والكياسه
وبالختام افعالنا فرحه وعيدي = ينجلي عن صاحب المنخى عماسه