|
مرحبا مرحبا ترحيب للضيف كله
مرحبا مرحبا ترحيب للضيف كله = عد من زار بيت الله وزار المدينة الدليله يدل الدرب ماحدٍ يدله = والذي مايدل الدرب ربي يعينة |
البقاء يالمرحب جاك شخص بمحله = وانت داخل محلك والثمينه ثمينة لو جميع البشر تمشي بمذهب ومله = ماتحط الهزيله في مكان السمينة |
كل بيتٍ يظلل صاحبه تحت ظله = والذي دون بيت الشمس تحرق جبينة السما عارفين نجومه المستهله = والقمر من على سطح الثرى واصلينة |
اقتباس:
الله يديم بيت العز والي يجله = وكل رجال عارف راسه وقدر عينه والسماء به صواعق والاهله اهله = واالبنادم ترا ماكل شي بيدينه |
اول القبلتين المعتدي مستحله = والخبر كل ماجيناه ينصا جهينة كل رجال لاجاله لزومة يشله = وانت من قوم لاجا وقتها شايلينة |
اقتباس:
من ملك سيف فيديه الشطيره يسله = ووقتها تي تبين هرجته من رطينه مايفيد المداوي يارجل كل عله = والرجاء بالكريم وكلنا مرتجينه |
راعي السيف سيفه مالقا من يقله = راح والسيف يارجال راحت سنينة الاسد آكلٍ فالشام دقه وجله = والجزيرة تبث ارسالها من عرينة |
اقتباس:
اجل ارتاح يارجال والريق بله = وحط راسك بجنب الروس وسط السفينة الوضع ياوسيع المعرفه فيه خله = ترسم الخارطه والمكسب مقسمينه |
صح لسانك ... وبيض الله وجهك على هذا الابداع ماقصرت... تحياتي لك
|
اقتباس:
صح بدنك وصح لسانك وجهك ابيض لاهنت الله يعافيك |
الساعة الآن 01:46 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir