ملتقى قبيلة حرب الرسمي

/

البارحه و الهم طاويني طوي
طي المحاله يوم تطويها الحبال

ماكنه اﻷ ذيب فالصدر يعوي
*ذيب/ن لحقه الجوع في روس الطوال

اخذت ليلي لين بينت ضحوي
اقلب افكاري على كل احتمال

من شاف حالي ما يحسبني سوي
يقول فايز جاه فالعقل اختﻼ‌ل

وانا ورب البيت ماني بالغوي
اقطع مواريدي ليا كثر الجدال

اي والله اني بالطناخه مرتوي
ابوي رباني على حسن الخصال

قلي ﻻ‌تمشي فالطريق الملتوي
وﻷ تبني جدارك على ارض/ن هيال

ابقا على طيبي ولي ماقف قوي
اشيلها حمولي ولو ثقل الجبال

الناس ما تدري عن اللي منزوي
فكنوز تكنزها صناديق الرجال

خله على الله ياالخفوق المنشوي
مالك ياكود الصبر و السحر الحﻼ‌ل

لوكان في حدب الحنايا لك دوي
مال الحمول الكايده غير الجمال

اصبر على ما جاك من ذاك اللوي
امعاند المجنون هو حد الخبال

على غشاش الكبد يكويني كوي
الصاحب اللي رافعه فوق التﻼ‌ل

كنت احسبه رجال مثلي و بدوي
أثرإني متوهم و عايش في خيال

كل مااقله انت و شبك يالخوي
انته عﻼ‌مك مختلف يابن الحﻼ‌ل

قام يتلوا مثل داب/ن منطوي
السم في نابه وﻻ‌ يمشي عدال

يا معرب الجدين ذا طبع أخلوي
خالك و عمك ما يربون الدﻷل

روح وﻷنته صاحبي دامك غوي
ﻷ تعتذر مال العذر أيآ مجال

لاوا حسافه وانت من قوم و ذوي
ماتدري انك جبتها فينا شمال

/

بقلمي
اخوكم / فايز ال محيسن

//