ملتقى قبيلة حرب الرسمي - يا راكب اللي مابعد راكب القار=ولا بدلوله من كلتشه غياره

يا راكب اللي مابعد راكب القار=ولا بدلوله من كلتشه غياره
تعشيقته بالقير مع لمسة زرار=ولا لمس الأصبع نقطة زراره
كنه ترنيدو فازعاً يم الأقدار=غيم سماه وبْعد الله مساره
يسابق اللي سْاهجه فكر طيار=ومثل السهم لا انطلق للإشاره
وأسرع من اللي من بعيدات الأوكار=حراً توه منصرم من وكاره
اللي صنعه من الخواجات جبار=صنعله الماطور ضد الحراره
يعجبك ليا لفيته يمين ويسار=ويهيض شجونك بوسع الغماره
نبيبه اللي ما به عج وغبار=الديره اللي ضفت الزين بالحاره
أبو عيونن سود ونجل وكبار=اللي منه جتني هواجيس جباره
من بعده ضايق والبال منهار=من بعدهم صارت الأخلاق منهاره
من بعدكم يا زين أنا صرت محتار=أتْعبتني وكل الأخلاق محتاره
والعشق محرق العشاشيق بالنار=وحب الشرف يا هب يا حر ناره
يا داعج الأعيان أنا منك منزار=وحبي لهك الناس ماهو خساره
عقب علي ضيق وصداع وأضرار=وحنا تعبنا منه وكثرة أضراره
يا الله دخيلك عن صواديف الأشرار=والنار تالع من لذعة شراره
غرواً به ميزه عن كل الأعذار=وأنا بلاني داعج العين باقداره
أبو عيوناً ناعساتاً بالأنظار=ياما تعبنا وذقنا المراره
والعشق لواله من الناس تجار=تعبوا ونسوا ربح التجاره
وألف أنا منه تقل لف معصار=ياليتني عنده واهني جاره
ياليتني عندك ولا لكم جار=ذبحتني يا زين وش هالعزاره
ذوقتني طعم النكاله والعزار=وأسهر لين الصبح يبين نهاره
ذبحتني يا زين والعيون غزار=رماني الغافل بقوة عياره
ولاني مغدوراً لو العشق غدار=ولاهو من اللي سرهم به غدْاره
جتني من بعده هواجيس ومار=ياليتني حوله ولا بداره
والعشق غربله من الناس شطار=لو أنه من أهل الفعل والشطاره
ياما من اللي راح من العشق وخيار=لو أن راسه ممتلي من الخياره
والعشق يبلى منه رجاجيل جْدار=لو الشجاعه وسط راسه جداره
أنا تعبت ورحت من كثر الأفكار=والبال عندي شتتوبه أفكاره
أتعبني اللي مادرى وش في صار=أتعبتني يا ناعساتاً أبصاره
حنا تعبنا والتعب مابه ثمار=ياهني اللي تذوق ثماره
ياهني من راحوا تواليه زوار=اللي يبسط من عناله وزاره
ولا فيه مرسالاً يوصلي أخبار=من عقب ماأعرف سيرته مع أخباره
يا الله عسى فوقه هماليل الأمطار=يا الله عسى تكاثر أمطاره
يا عل ديرته أتكاثر بالأخضار=ياعلها ماغير غيوم وخضاره
ياعل كل ديارهم ورد وأزهار=ياعل موطنهم أتعانق أزهاره
والحياء متبوع يدْور بالأذكار=تتبعه خلق الله وتتبع أذكاره
غديت أنا تقل غريقاً بالأبحار=اللي يدْور من بحوره إظهاره
يوماً بعض الناس مبسوط مستار=مبسوط مع نفسه والنفس مستاره