يامرمسين الرمي وش قاصر الشوح=والصيد أقرب للعمى من عصاته
والله لو ما نحس ما نعرض الروح=لكنَّها تحجرشت من شماته
كل ما التفتنا والكتابه على اللوح=باوصاف حيٍّ ما تطابق صفاته
انت جزل صح البدن قرم طحطوح=الشيخ واينه ما يمد بعباته
وخلوه غيرالمسبحه تلف وتلوح=يشوف نفسه من زحول الزناته
اليا كتب كن القلم سيف مملوح=واليا قرأ كن القصايد هباته
ياهيه والله مانبي منك مصلوح=ولا ضرنا رامي رمى ثم جاته
لكنها الجزله لها الباب مفتوح=ولها الثنا من يمنا والتفاته
أما ردية.. قشرةٍ كلها جروح=الا نقول الشين يرجع مباته
عود بها لاعل ما يسلم البوح=ولا يصح منطوقٍ يسوي سواته
الشعر يبغى ياهل الشعر زحزوح =يزحزح جبالٍ ما تدلى لهاته
أما أنا أقبل ولا طابت أروح=لا اقول خذ حرفٍ ولا أقول هاته

المشاركة الأصلية كتبت بواسطة نديم المجرة (المشاركة 1320033) صح السانك وبيض الله وجهك

المشاركة الأصلية كتبت بواسطة الحب الباقي (المشاركة 1320164) صح الله لسانك يا القرم والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة فهد ابن غانم (المشاركة 1321851) صح الله لسانك ولاهنت وسلم فكرك وبنانك دمت برعاية الله وحفظة