مرحبا بالحربي اللي مافقدتـه غيـر مـره=مرةٍ وحده و حصلته ميـة مـره بعدهـا
و أن بغيت أدوره حصلت له فالارض جره=جرت الحربي تعلم به ولو ما أحدٍ نشدهـا
البقاء باللـي يرحبـي وراء وادي مسـره=و أن فقدني مرةٍ وحده يحضرلـي سندهـا
جرت الحربي لها قيمه و لافيهـا مضـره=مير بعض القوم ترفع رجلها و تحط يدهـا
فاقدينك يوم جينا بين ضلع و بيـن حـره=قبلها مرات لـو نعـد مانحصـي عددهـا
أكرم السحمان خيره مايعادل نـص شـره=و أبخل السحمان يرضع كل ناقه مع ولدها
مابقي فالوادي اللـي تخبـره مثقـال ذره=و المخيله لو تخيل برقها يسبـق رعدهـا
أختلف جو العتيبي و اختلط برده و حـره=قام يلمس راس مبخوتـه يحسبنـه نهدهـا
أن قفل سوق المدينه سوق رابـغ مانمـره=واعذاب اللي يدور لـه لـزومٍ ماوجدهـا
كان مبخوته تدور حاجـةٍ حلـوه و مـره=لاتواعد من يواعدها و تخلف في وعدهـا
لاتدور للمشاكل و أنت في سـره و قـره=إخذ مسواط العصيده ياحبيب و أعتصدهـا
كان خاواك السحيمي لاتحطه فـي مغـره=أتركه عند الديار اللي قبـل مـده وردهـا