رتبة لواء/ بأجمل عباره صريحهِ=(تفخر بمتنك) ، يامحمد شليويح
تسقي مزون أسمك رياض القريحه=وتفوح بأنسام الخزامىٰ، وبالشيح
الشعر يكفخ في سماك الفسيحه=يفردلي الجنحان، ويلاعب الريح
لاهنت ياملفىٰ الرجال الفليحه=يضحك حجاجك، للوجيه المفاليح
العود الأزرق، ينعش الراس ريحه=والبنّ الأشقر، والجزال المفاطيح
في مجلسك/ والهم شوفك يزيحه=يالجعفري، ذخر القروم الزحازيح
العسكري، بسلوب فكرك تريحه=مكتبك، مادونه خفاره، وتصريح
تقهوي المخطي دلال النصيحه=وتمدله، حافز تراجع وتصحيح
لايابعد (منّ ) اليدين الشحيحه=اللي على مسك الكراسي مشافيح
عاشوا على/ المترديه، والنطيحه=والي كلاه السبع، لو دمه يسيح
يشتاق لك قاف القصيد ومديحه=ماقفلت بيبان طيبك مفاتيح
سمح الملامح، والنوايا سميحه=أنرشحك/ لوهي صناديق ترشيح
اللي مثل شرواك مرضي شريحه=يستاهل/ وسام، وشهاده، وتوشيح

تقهوي المخطـي دلال النصيحـه=وتمدله، حافز تراجـع وتصحيـح

المشاركة الأصلية كتبت بواسطة ابوهليل (المشاركة 1315126) صح لسانك ياسعود قصيده جزله بيض الله وجهك

المشاركة الأصلية كتبت بواسطة سعد المحمدي (المشاركة 1315136) الشاعر الجزل سعود صح لسانك على القصيده الجزل والرجال الطيب يستاهل المدح والواء محمد شليويح العنزي لو مايستاهل مامدحته ياسعود الله يبيض وجهك ووجهه الله يبيض وجهك

المشاركة الأصلية كتبت بواسطة الحب الباقي (المشاركة 1315142) صح لسانك مليون على القصيده والله يـعـطـيـك الـعـافيـــــــــــة بيض الله وجهك