عناوين بكتاب
يازين قوم وولًع النًار بيًه = اكمل جميلك دام قلبي معك ذاب قاتل ولاكن ماتباريك ديًه = مسكين ماتدري سلاحك بالاهداب ياللي حرقتي القلب من دون نيًه = طفله صغيره مادريتي بالاسباب أوًل اشوفك والليالي هنيًه = قبل العمر يمشي وتمشين بحجاب اربع سنين ومافعلنا خطيًه = غير العيون اللي من الباب للباب كل مابغيت انطق تذكًرت سيًه = امكن عيونك قصدها ضحك واصحاب ماني بعالم بالقلوب الخفيًه = ماقدر افسًر نظرتك حبٍ واعجاب ياليت ما احسًه نحسًه سويًه = لاكن محبتنا عناوين بكتاب مدري وش اللي داخلك يابنيًه = وداخل سطوري في علامة تعجًاب ! واخاف بعض النًاس تزرى عليًه = وانا يزيدي من عريبين الانساب ودًي اقول إنًي بحبًك ضحيًه = وإنً الهوى أصبح عليًا ولا غاب وإنً المشاعر في هواكي طريًه = في وصفها ماني بكاذب ولعًاب وفرحة لقاكي مثل فرحة صبيًه = تزهى لباس العيد من بين الاقراب وفزً الخفوق وقام رحًب وحيًه = ترحيب شخين ضاف عكفين الاشناب ومن غيبتك كنًي بأرضن خليًه = هذا غيابك يجعل الناس غيًاب اربع سنين ولاعطيتك تحيًه = واقول شوف العين يكفي للاعصاب واليوم صبري مابقى به بليًه = ثارت شجوني واصبح الدمع سكًاب لاشفتك الليله بسوًي قضيه = لو تكبر الدعوه وتوصل للارقاب بمسك يدينك فوق قبضة يديًه = وادعي بها ربًي عسى يجمع احباب واضمً صدرك صوب صدري شويًه = وريحة ثيابك تطفي الشًوق غلاًب ومن شفًتك تشفى الجروح العصيًه = اللي دواها مانصى طبً واعشاب وشعر حضريًه فوق خصر بدويًه = لا فلًته فلًت حجاج اقشر النًاب امًا نعيش الحبً والنًار حيًه = ولاً بلاش من العنا ظلم وعتاب لو سلع ينطق من حروف ابجديًه = يشهد بحبًي لاتقولون كذًاب واللي رمتني بالهوى حضرميًه = ماشفت زينه بالقرايب والاغراب من اليمن اهل الوفى والحميًه = اهل المراجل والتًجاره والالقاب اهل الشًجاعه يشترون المنيًه = رجًالهم دايم على المجد كسًاب مصيافهم وسط الديًار العذيًه = عند الجبال اللي بها العشب خلاًب وزادت جمال الكون طفله بريًه = وبيت الشًعر زايد جماله بالاطناب من شافها لابدً يكتب وصيًه = ولاً يعيش بقربها والعمر طاب |
صح لسانك
ياراعي الطويسه في انتظار جديدك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
راعي الطويسه عسى الطويسه ماتخلامنك
صح لسانك يابعدي على ما تغنى به فكرك وطرب له فكري واحساسي مثل ماعهدتك جزل هنا وهنا ومن عوايدك الجزاله عبدالله سجل إعجابي بما تكتب ياقدير |
عبدالله المحمدي
صح لسانك واضمً صدرك صوب صدري شويًـه=وريحة ثيابك تطفي الشًـوق غـلاًب ممنوع ياعبدالله الضم بالاشهر الحرم هههههههههههههه |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
صح بدنك وان شاء الله تشوف اللي يسرك دمت بخيرر |
اقتباس:
|
اقتباس:
|
صح لسانك
وبيض الله وجهك على القصيدة الرائعة دمت مبدعاً ومتألقاً |
الساعة الآن 04:49 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir