اليا ضاق صدري لنياق اتوجه= حيثني القا مع نياقي سعة بال
صفرن غلاهن لبّة القلب فجه = فجيج شلفا اذياب بتحور الابطال
واليا انشرن في روضن السيل رجه = عندي غلاهن ميعاادل بالاموال
برضن قفر والطير صوته يزجه = ايجاذب الحانه على كل موال
اربع اشهورن ماذكر يوم عجه = الجوا غايم والمطر ديم همال
واليا ذعذع النسناس مع كل فجه = اتشم ريح اعشاب من كل الاشكال
هاذي طرات العمر والعمر سجه = العمر تشبيهه كما الظل ينزال
ويالله يافارض على العبد حجه = يامنزلن عما وطـــــــــــــــه والانفال
يلوذبك عبدك ويطلبك نجه = من هول يومن به يشيبون الاطفال
في موقفن مافيه صجه ولجه = كلن ايحاسب عند ربه بالاعمال

المشاركة الأصلية كتبت بواسطة ابوهليل (المشاركة 1306481) صح لسانك يابومشاري قصدت فابدعت بيض الله وجهك وتشرفت بان اكون المتصفح الاول لهذه القصيده الرايعه

المشاركة الأصلية كتبت بواسطة الصتيمه (المشاركة 1306506) السلام عليكم ورحمة الله وبركاته . ابو مشاري أسعدالله جميع أوقاتك بكل الخير والمسرات وصح لسانك قصيده رائعه ومملوئه بالجواهر الثمينه والوصف الجميل وحركت قلوبنا بجميع ما ذكرت وحطيتنا في عالم الخيال ويمكن ما يجينا النوم سريت بنا الله يسامحك ويستر على أبلك ويرزقها بالربيع ونشوف ما قلت عندها وتقبل مروري وفائق تحياتي..

المشاركة الأصلية كتبت بواسطة علي العبيلان (المشاركة 1306722) الله الله صح لسا نك يابو مشاري الله يعطيك العافيه