بعض العرب فعله يحليه للناس = وبعض العرب تظهر حلاته فلوسه
المال خلا الذيل في خانة الراس = والراس تال الوقت كلن يروسه
هو الزمن به باس وإلا العرب باس = وإلا المدرس ما يوضح دروسه
ياعابد الدنيا ترى مالها ساس = لو انها طابت تجيك معكوسه
واللي وضعها للرجاجيل مقياس = ودك وانا سالم تقلع ضروسه
صحيح فيها ستر مطعوم ولباس = وللضيف واللي يشتكي من حسوسه
واللي يجمعها على شان نوماس = اوقف اليا شفته ورحب وبوسه
واللي يجمعها وحصيله افلاس = من قول نعم ان كان يمديك دوسه
تراه ميت قلب ما عنده احساس = مال البخيل إلا كريمن يحوسه
سراب قيعه ما روت منه يباس = لو هو ملك سيف المهايط وموسه
تلقاه لصحون المعازيب لحاس = وماله على غيره يحرم لحوسه
يضيق صدره لا لفى الدار عساس = به علتن وسط الضمير مغروسه
دون الضيوف يحط للباب ترباس = واليا ورط وجهه تزايد عبوسه
تقال مرضانآ شكى اشد الاوناس =عشاه لضيوفه بطاطس وكوسه

اشكركم على مروركم الغالي