من هاجس ن كنه محيطات وبحور =اجبال موجه بالمعاني فريده
ماعامه اللي فالربابين منكور =وراع الخطا معلوم روحه فقيده
والبحر مايعرف له احزان وسرور=حاوي جميع الخير وخصمه يبيده
ترحيب بحر الشعر يزها كما النور=واللي سواتك بالتحية نزيده
خالد عبيد اللي على المجد مذكور =صيراف حرف وعرف نقوات صيده
لجلك سليل صقور وفهود ونمور = وقفاتهم وقت اللوازم عتيده
تاريخهم معروف ما خطه الزور =والأحمدي مايرتضي بالهويده
ويابن عبيد البيت بالعز معمور =وأنا رفيقك والمباني جويده
جاني كتابك فجت الصبح فبكور =عبر الأثير الخط جاني بريده
قريتلي حرف ن به الود مكسور=وامعنت في قلب المعنا وريده
لقيت قلبك بالمزايين مسحور =معقود فبحور الغرام التليده
يرفض علاجه كان ماهو من الحور =وإن قلت لا تقرب تزايد لهيده
داوه بدائه كان تبغا لك جبور =ولا تقبل انصاف الحلول البليده
وإليا حفر لك خندق ابنيله اجسور=لا تيأس برمي الحبال العقيده
واحذر تقرب من طريق ن به احدور =لاتقول هذا الود ومثلي شهيده
واعرف خراجك ربح ولا لمخسور=وصلي على اللي له رسالة مجيدة