الصراحة ما يغط الصحيح إلا الرخوم = والمجامل في زمان التطور مسخره
والله ان اللي يغير علوم ٍِِِ عن علوم = ما يعد من الاوادم رجل وإلا مره
الرخاء يشهر به البوم والحر مخدوم= ما يضف الريش باللي على غير ثمره
مسكنه بالضلع والعاليه فيها يحوم= عزته ما وقعت به على غصن شجره
لا يغرك في هدوم ٍ تغير في هدوم= اطلع المرقاب واللي وراء الضلع اسبره
وان بغيت تشوف جرب اليا جالك لزوم = من مية رجال ما تطلع إلا بعشره
يامعاصير المواقف وصلفات السهوم = اشكرك لكن بعض الاوادم مشكره
منك تاقف قوم فوق الثرى وتطيح قوم= بعثره لكن يازينها من بعثره
بين رحلات المغادر ورحلات القدوم = شوف من يعطيك وجهه ويعطيك ظهره
الحياة علوم وانعام ربك ما تدوم = وانت بين امرين ياخوذ علمي ياقبره