يابن فريج الله يفرج همومك = وهموم من مثلك بعد يبذل الخير
يالحربي اللي ما تردا عزومك = لو الحمول اثقل من الطويق والنير
كن ام خالد قالت اليوم يومك = يوم انها تنخاء الوجيه المسافير
الله يلوم اللي بهاذي يلومك = اجر وغنيمه ما تبي زود تفسير
اسمك صلاح وصالحاً من قدومك = من يومها جابتك بنت المناعير
والنعم من قومك ومن غير قومك = تنصاك ياللي ترتكي للمخاسير
حربي ولد حربي شريفه سلومك = ما تاسعك دون القبيله معاذير
لو همها ضلعن تهده نجومك = ويروح بمر الله مثل العثامير
تقول يالحربي تهنا بنومك = لا تشيل هم اللي تجيب الدنانير
ابنا القبيله شرفتهم علومك = والتهنيه مسجاتهم والتباشير
الله يحقق ما بقي من حلومك = وخلف عليك اللي بيده التدابير
وتقبل انفاقك وحجك وصومك = وغفر لك اذنوبك ولي المقادير

المشاركة الأصلية كتبت بواسطة الحب الباقي (المشاركة 1294736) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد رجاء الحصني (المشاركة 1294748) صح لسانك ياعامر وبيض الله وجهك نعم يستاهل الشيخ صلاح من يمدحه ولا قصر ولا قصرو قبيلة حرب كلهم ابذلو ووقفو وقفتن اتشرف ولايستغرب ذلك وشاهدنا التاريخ ولايهونون الباذلين معنا من جميع المسلمين الله ايبيض او جيههم وجعلها في موازين حسناتهم شكرا لك وصح لسانك واطال الله بعمر شيخنا صلاح تقبلو تحياتي وتقديري