يا حرب تكفون افزعوا فزعة رجال= وانتم هل الفزعات بأول وتالي
خالد ولد هزاع به السجن طال= والمسأله بالمال والمال غالي
لكن ولدنا اليوم اغلى من المال= يفداه يا ربعي جميع الحلالي
يا حرب ما باقي سوى عدة ليال= واخاف لا تمضي علوما جلالي
يا شيوخ حرب اليوم ترى الزمن قال= وانتم لكم قوله تهز الجبالي
يا بن نحيت انا نصيت الله العال= ثم بعد رب الكون دونك عقالي
تكفى يا بن نحيت تكفى ترى تقال=تقال لك بالذات دون الرجالي
لانك زعيم المرجله في كل الاحوال= وعيال حرب تعدهم لك عيالي
ولانك كريما لاعطيت تعطي ثقال=ما تعطي الا الطيبه والجزالي
ولا هو قصور باقي الربع الابطال= رجال من دون اللوازم تصالي
خوه وجيره وفوقها طيبة الفال= وخوينا دايم على الدوم سالي
وختامها تكفون يالربع ذا الحال= ذا الحال ترى حلته بالريالي
وانتم هل العليا ترى قول وافعال =بشهادة الاقصين دون الموالي