سكر وضغط وكثر هم ٍ وهوجاس = عزي لمن هو في حياته جمعها
لاوافقت فقر وغلاء اسعار وعماس = ووجيه قوم ٍ مايميز ورعها
يآخرزمن يامكثر وجيه الافلاس = الي علينا وجهة وش دفعها
ياكثر من وقف والارياق يباس = يصفق كفوفه في بعض ثم جمعها
جمعة فلس حيره بعد طق الاخماس = وتصلفقت قدمه و ون وجرعها
كم واحد ٍ يمشي وهوفيه وسواس = يسج حتى بركعتين ٍ ركعها
يشرب مرار الفقر كاس ٍ بثر كاس = ويجامل العالم حسب مجتمعها
الفقر له ضرب ٍ مثل ضرب الامواس = لاو الله اقوى كم جموع ٍ مزعها
الارض لله والسماء مالها ساس = من فوق راسي جل من هو رفعها
يا اطهر بقاع الارض ياقبلت الناس = ياديرة ٍ نموت فيها ومعها
يبقاء غلاك بداخل القلب مايداس = الله خلقنا والمحبه زرعها
ياموطني وشلون صرنا بلولاس = فقر وبطاله مالقينا سنعها
هذا الصحيح الي ماهو قول هلاس = الي على ماراد غيره شلعها

المشاركة الأصلية كتبت بواسطة ابوهليل (المشاركة 1290078) صح لسانك يافايز واسال الله العضيم ان يشفيك من الظغط والسكر وان يبعد عنك الهم والهوجاس وان يرزقك من حيث لاتحستب امين امين

المشاركة الأصلية كتبت بواسطة الحب الباقي (المشاركة 1290087) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1290510) الشاعر فايز البشري صح لسانك وبيض الله وجهك

المشاركة الأصلية كتبت بواسطة فهد ابن غانم (المشاركة 1291202) صح الله لسانك ولاهنت وسلم فكرك وبنانك دمت برعاية الله وحفظة