مبيريك بن سالم المحمادي=
من حل للمبتلا بلواه = في داخل القلب مكنونه
صابر ولابداء على شكواه = حال القدر حد من دونه
يجزي وفاء والجفاء يجزاه = وروح بالحزن مسجونه
عزاه يالمبتلا عزاه = القلب والروح مرهونه
الرد من الصبحي=
اشتك على الرب لاتنساه = يشفيك من حال تطرونه
يالي تبي الود من مغناه = دونه بحر ماتعمونه
كب الشقاء وخذو المصلاه = والفرض لازم تصلونه
كم قبلكم وقتنا قاساه = يعضيه ويشيب اعيونه
مبيريك سالم المحمادي=
يامرحبا عد خط اقراه = واعداد ماقيل فالحونه
الود حاكم بعشره اقضاه = ومن عام فالبحر يشفونه
وتقول بحر الهوى مغواه = وانته من اللي يعانونه
تعرف بحوره وفي معناه = تنصح كمايه تلمونه
سم وعسل ماطعمه محلاه = من عاش ياصاحبي دونه
عمت البحر شفت كل احماه = ونموت والناس يرثونه
الصبحي=
تبقى وكلن قنع بسراه = يوم الحيا ترعد امزونه
والى انت لساع في المغواه = لك قلب شقيان بضنونه
والود كم قبلكم بكاه = اعماه ثم حرق اعيونه
درب الشقى ليتكم تنساه = وتريح القلب وتصونه
تبغى العسل دونه المذكاه = ومن يقرب النار يكوونه
حرف الهدا اذكره وقراه = ويرتاح قلبك من اغبونه
مبيريك سالم المحمادي=
بحر الهوى نهر في مظماه = كل المخاليق يردونه
كلن ورد ورتواء من ماه = احكم عدل لاتجازونه
ماينقص النهر في معطاه = لاتضلمه لاتخنونه
تنكر جميله وتنكر داه = وذكر القلب باطعونه
القلب مهما عذلته جاه = جاته طواريه وشطونه
ياصبحي الصبر مانقواه = لوكان قوات من دونه

المشاركة الأصلية كتبت بواسطة حامد بن حماد الصبحي (المشاركة 1292748) الله الود فى المشتكى رحم الله المحمادى وعافا الصبحى اسعدونا ببدع ورد جميل كما اشكرك اخى الناقل حفظك الله