ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - بـــــــوح (http://www.m-harb.net/vb/showthread.php?t=120053)

بـــــــوح

تعبتني ياهم واشقيت روحي=والله مدري منك انا وين ابروح
امهلك ايامي وابعّد اشبوحي=واقول بكره تترك القلب وتروح
لين انها طالت عليه جروحي=والصبر مات ومابقى له معي روح
لا زانت ايامي ولا خفّ نوحي=لا يومها وانا على الحزن والنوح
الليل كل الليل صدري يفوحي=من يوم يغشاني اليا بدايت الضوح
يدعنّي افكاري واقفّي ورورحي=اروح معها روح في جسم مذبوح
تاصل بي الحيره لقمّة سفوحي=والصبح يطلع لي بعد طلعت الروح
واليوم مثل أمسي وبكره شحوحي=مدري متى عيني لها البارق ايلوح
سيل الدهر لضلوع صدري يجوحي=حتى غدا للهموم الأيام مفتوح
قسمي من البارح تناهيد بوحي=ألعن ابو حرفً عصاني عن البوح
كبرت بي احلامي وشابت طموحي=ابسط حقوقي صارت احلام وطموح
واللي على الجمّه بدلوه يموحي=يقصر حبل دلوي على شان ماموح
والبير بير ابوي ماهي امزوحي=وشلون مقسومي من الجمّ منضوح

الشاعر - عبدالهادي صالح السليمي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك