ثنتين يعطنك معزة وتقدير=دينك وفعل البر فى والدينك
وثنتين منهن يكثرن المخاسير=درب الضياع وصحبتن ما تعينك
وثنتين عنهن ماتجوز المعاذير=سترك لأهل بيتك ومكسب يمينك
وثنتين لو طال الزمن مابهن خير=هرج القفا ومجاملة من يهينك

ثنتين عجلهن على غير تأخير=أكرام ضيفك مع مواصل ضنينك
وثنتين تحذرهن يجي فيك تقصير=مراجلك والا التهاون بدينك
وثنتين لاجارت صروف المقادير=صبرن جميل والفرج فى يقينك
وثنتين عندك لو تسجل بتقرير=فعلك وقولك بالمواقف تدينك
وثنتين لا بانت برأسك مغاتير=أما أعتكاف والا جدد سنينك

المشاركة الأصلية كتبت بواسطة نادر النادر (المشاركة 1267725) ارسل لي احد الاصحاب اربع بيوت تزخر بالحكمة من منقولة فأحببت ان اجاري الابيات وامزح مع صاحبي الذى لاح الشيب بعارضيه فى البيت الخامس.... الابيات التى ارسلها صاحبي ثنتين يعطنك معزة وتقدير=دينك وفعل البر فى والدينك وثنتين منهن يكثرن المخاسير=درب الضياع وصحبتن ما تعينك وثنتين عنهن ماتجوز المعاذير=سترك لأهل بيتك ومكسب يمينك وثنتين لو طال الزمن مابهن خير=هرج القفا ومجاملة من يهينك ردي ومجاراتي للأبيات السابقة ثنتين عجلهن على غير تأخير=أكرام ضيفك مع مواصل ضنينك وثنتين تحذرهن يجي فيك تقصير=مراجلك والا التهاون بدينك وثنتين لاجارت صروف المقادير=صبرن جميل والفرج فى يقينك وثنتين عندك لو تسجل بتقرير=فعلك وقولك بالمواقف تدينك وثنتين لا بانت برأسك مغاتير=أما أعتكاف والا جدد سنينك