ليه المراسل فالصّراعات مطلوب=ويدفع ثمن نقل الخبر من حياته
ان كان ماهو لحد الاطراف محسوب=شعب ٍ يزوره ليه يطعن بذاته
وخذلك دليل بمنطق الحق له نوب=في شعب راقي والكرم في صفاته
اجواد كاظم بالبلاجيك مغلوب=سبحان من نجّاه لحظة وفاته
والشّعب لوهو بين ضاحك ومكروب=فطوار بهجه ماتسرّك سواته
واصبح ولا امسى فندق القدس مضروب=وطارق ومثله ماانكتب له نجاته
ومن ارض واشنّطن صدر علم مكتوب=كل ٍ درابه بعد بثّت قناته
تيسير علّوني ذكر فيه عذروب=بالقاعده متهوم معلن براته
وقد قيل فالاعلام راعيه موهوب=مهنه شريفه سعد رجّال جاته
وبنّشدك لنّك شخص واعي ومحبوب=رايك صويب ولاتحبّ الشّماته
انته توافق راعي القول من صوب=سلبي وايجابي ماتزكّي نقاته
ولاّ تقول القول معناه مقلوب=لنّه حرفّ في شعب الامّه عداته
ذا فكر غربي صار لشّرق مجلوب=واللي يروّج له يدوّر غناته
أو هو تجسّس يخلط الحقّ بكذوب=بين الشّعوب بخبث يزرع نباته
ومن سبّته راحة عريكه ومعصوب=اشعوب تامن ليلها في سباته
وان فادنا مثلك عن الشّين محجوب=نعتزّ بالرّاي السّديد ودهاته