يا صحابنا ياللي لكم عندنا شان = ياهل الوفا والطيب ياهل الحميه
من دون اقول فلان و فلان و فلان = و من دون افند في شروح القضيه
المشكله تصّغر لجل قدر الاخوان = و ما نلتفت يم النفوس الرديه
الله يسامحني ليا كنت غلطان = و الله يسامح منهو اخطا عليه
مهما اكون انسان من طبع الانسان = يخطي ولاكن مانويت الخطيه
فعلي على ما قول حجّه و برهان = بيض النوايا والنفوس الزكيه
نوفي مع الوافي ولو وقتنا شان = نثبي كما ورقان ولا طميه
ما تحرك احيودي على مر الازمان = لو هبت رياح الزمان العتيه
للشعر ميدانن و للجزل فرسان = و ما كل فارس ممتطي للعّبيه
تشوقني وردة نديه في بستان = و تشوقني حمامة الراعبيه
يومن تجر اللحن من فوق الغصان = امايل ابراسي و صفق يديه
من حين ابادلها و اغني بللحان = لو انها ما ظن تفهم عليه
وجداهـ يا قلبٍ على الخل ولهان = تصلاه نار الشوق صبح وعشيه
داره بعيدة من ورا ضلع ورقان = ((صعبه على الرّجلي وراع المطيه))
اتل العهد به يوم كنا ف شعبان = واليوم حنا في هلال ارجبيه
عامٍ مضا ماشفت زوله ولا بان = عل الكبد يلحق كيةٍ فوق كيه
يوم اتصلبي كنت بالحيل فرحان = من فرحتي ما تاسع الارض فيه
قلت الغضي مشتاق ليه و شفقان = نار الوله والشوق جوفه وريه
قالت الوو ثم قلت يا نفح ريحان = لبيه يا صوتٍ ما مثله وزيه
لبيه يا غالي و يا عز انسان = ياللي وهبت الروح لجلك هديه
مال العمر معنا ولا صبغت الوان = في غيبتك تمضي حياتي عاديه
من زود شوقي كنت بالهرج عجلان = و قالت يالبى قلبك اصبر شويه
هذا اتصالي و الله انه على شان = اشرحلك اللي صار و ترضا عليه
ثم قلت انا راضي ولاني بزعلان = مشتاق لعلومك و هذي القضيه
قالت مادام انك رضيت اسمع الان = امسح على رقمي و لا دق ليه
سكت لحظه تايه الفكر حيران = و الفكر ما استوعب كلام البنيه
ثم قلت وش قلتي عسا اكون غلطان = ماني مصدق ذي ابسع بذيه
عادت على نفس الكلام الذي كان = و قالت يافايز منت فاهم عليه
نبضات قلبي لك حبٍ و تحنان = وغرامك فدمي سوات الخليه
اخاف من عشقك وللعشق شيطان = في حبكم خايف اكون الضحيه
انا عشقت انسان قبلك بوجدان = و لا زالت اجروحه في قلبي نديه
اذكره بعض احيان وانساه فحيان = حتا في ضحكاتي دموعي خفيه
ثم قلت ماهنتي لا والله ولا هان = قلبٍ هواني جوف ذيه و ذيه
ماني ضعيف النفس ولاني بخوان = ولاني مضرا بالفعول الدنيه
ابوي رباني على فعل الاحسان = على خطا نبي رب البريه
احاول اني ما تصل قدر الامكان = لو انها صعبه وهذي قويه
الله يسامحني ليا كنت غلطان = و الله يسامح منهو اخطا عليه

المشاركة الأصلية كتبت بواسطة فايز المحيسن (المشاركة 1266010) السلام عليكم ورحمة الله وبركاته نص بعنوان القضيه من جديدي واتمنا ان يروق لكم اخوكم فايز ال محيسن اقول فيه يا صحابنا ياللي لكم عندنا شان = ياهل الوفا والطيب ياهل الحميه من دون اقول فلان و فلان و فلان = و من دون افند في شروح القضيه المشكله تصّغر لجل قدر الاخوان = و ما نلتفت يم النفوس الرديه الله يسامحني ليا كنت غلطان = و الله يسامح منهو اخطا عليه مهما اكون انسان من طبع الانسان = يخطي ولاكن مانويت الخطيه فعلي على ما قول حجّه و برهان = بيض النوايا والنفوس الزكيه نوفي مع الوافي ولو وقتنا شان = نثبي كما ورقان ولا طميه ما تحرك احيودي على مر الازمان = لو هبت رياح الزمان العتيه للشعر ميدانن و للجزل فرسان = و ما كل فارس ممتطي للعّبيه تشوقني وردة نديه في بستان = و تشوقني حمامة الراعبيه يومن تجر اللحن من فوق الغصان = امايل ابراسي و صفق يديه من حين ابادلها و اغني بللحان = لو انها ما ظن تفهم عليه وجداهـ يا قلبٍ على الخل ولهان = تصلاه نار الشوق صبح وعشيه داره بعيدة من ورا ضلع ورقان = ((صعبه على الرّجلي وراع المطيه)) اتل العهد به يوم كنا ف شعبان = واليوم حنا في هلال ارجبيه عامٍ مضا ماشفت زوله ولا بان = عل الكبد يلحق كيةٍ فوق كيه يوم اتصلبي كنت بالحيل فرحان = من فرحتي ما تاسع الارض فيه قلت الغضي مشتاق ليه و شفقان = نار الوله والشوق جوفه وريه قالت الوو ثم قلت يا نفح ريحان = لبيه يا صوتٍ ما مثله وزيه لبيه يا غالي و يا عز انسان = ياللي وهبت الروح لجلك هديه مال العمر معنا ولا صبغت الوان = في غيبتك تمضي حياتي عاديه من زود شوقي كنت بالهرج عجلان = و قالت يالبى قلبك اصبر شويه هذا اتصالي و الله انه على شان = اشرحلك اللي صار و ترضا عليه ثم قلت انا راضي ولاني بزعلان = مشتاق لعلومك و هذي القضيه قالت مادام انك رضيت اسمع الان = امسح على رقمي و لا دق ليه سكت لحظه تايه الفكر حيران = و الفكر ما استوعب كلام البنيه ثم قلت وش قلتي عسا اكون غلطان = ماني مصدق ذي ابسع بذيه عادت على نفس الكلام الذي كان = و قالت يافايز منت فاهم عليه نبضات قلبي لك حبٍ و تحنان = وغرامك فدمي سوات الخليه اخاف من عشقك وللعشق شيطان = في حبكم خايف اكون الضحيه انا عشقت انسان قبلك بوجدان = و لا زالت اجروحه في قلبي نديه اذكره بعض احيان وانساه فحيان = حتا في ضحكاتي دموعي خفيه ثم قلت ماهنتي لا والله ولا هان = قلبٍ هواني جوف ذيه و ذيه ماني ضعيف النفس ولاني بخوان = ولاني مضرا بالفعول الدنيه ابوي رباني على فعل الاحسان = على خطا نبي رب البريه احاول اني ما تصل قدر الامكان = لو انها صعبه وهذي قويه الله يسامحني ليا كنت غلطان = و الله يسامح منهو اخطا عليه