ملتقى قبيلة حرب الرسمي

،،

انا رغم الذي جاني مع الايام ماأهوني=ولامثلي يهان فدولةٍ تأمر على كوني
تعرضت بسبعطعشر سنه لأقسى صواديفه=زمانٍ فيه عِز أسمي تحت وطأة قدم نوني
بعد صار الاسم واصبح وداعة رهن تقريري=فإما أموت له ويعيش يااما اعيش ويهوني
وإذا بي قد نهيت الامر ويا مُره ويا حلوُه=طلع ناتج قناعاتي بما كانوا يغذوني
وإذا بيدين من ضحيت له بعمري تناساني=فبئس القوم هم قومي ،، وعز أموت مدفوني
انا لذلك جزمت أبدع لحن فيه الحزن نبرة=لحن فيه الوفا مأساه بسميه أحزن لحوني
فهي فرصه ولاتقبل نغامر والزمن يجري=مترجِم واقع أحزاني لحن محزون ، محزوني
ولكن دون تأنيب الضمير الواقع المؤسف=رموشي عقرب الساعة ومينا العقرب أعيوني
خسارة ياعُمُر تؤد وباقي ماابتديت أعيش=تكرر منظر الفاروق ووئده كان كبوّني
ولكني ابا اترجم احاسيس الجميع أحزان=بشوف الحزن في غيري وبنظر كيف يشوفوني
وابا أمَتِع جماهير الحزن في بؤسي المفعم=وباأغمرهم بما أعانيه وبشفق يوم يحسوني
لحن يهزم جميع امئشرات إحباط من حولي=ويجلا داجي الظلمه بعد أمالي ملوني
لحن فيه الحروف إلهام وفيه أرثي عباراتي=يعرقل دورة الدولاب ، ينادي الناس ويجوني
وببذل كل ما وسعي وباأستصرخ عروق الدم=ووجه للعطا يندى ، وكفٍ بالسخى عوني
ونفسٍ للإبا رامت مطاليع النجوم هناك=ورأسٍ يأنف الذله وعرضٍ دوم مصيوني
بوصل صرختي اذن الجميع ولابها مراياه=فلابيحك نهار العرض يامن باح مكنوني
وعلى مثلي النواعي يبذلن ادموعهن بإغداق=ويرمن الغطاوي والزغاريت ويلجوني
ولو هن ينقضن امجدلاتٍ من شعاع الشمس=ويجاوبهن جدايل أُسدلت فالقبر ؛ خلوني
وقلت أسوي ابروفة يالحن الحزن واغنيك=وبديت أهجرس اللحاني وانا ماأهجرس بدوني
ولكن للاسف رغماً على ما أخذت من أسباب=أنا أول ما ارتفع صوتي حزنت وهلت عيوني
حزنت لكبر مأساتي وقلت إش ذنبهم هالناس=بما قد لا يطيقونه أحملهم من ديوني
تكفيني محبتهم بعد فدَيّتهم روحي=ورفعت أوراقي البيضاء وزاد الحبر مضنوني
أثر حبس الدموع أكبر على الانسان تأثيرة=من أثار الحبوس اللي بها محبوس مسجوني
وتنهد قبري الاول ولايفرق عن الثاني=وجلست وكني طفل وصاح وبِردة حرة اضنوني
هزيمة وإنتصار وسلسلة والباب والسجان=بعمقٍ صامت وضوضاء وجدرٍ كاشحٍ ؛ لوني
وظلٍ دائماً ثلثه بمساحة دنيتي مسنود=أثر سجني يداريني وربعي مايداروني
وانا ليه مواجيبٍ عليهم مابها معذار=وربعيٍ دولة عظمى وعلى هالشيء نشوني
وانا ليه مواجيبٍ عليهم مابها معذار=وهم عصبة وعاقلة الرجل شرعي وقانوني
وانا ليه مواجيبٍ عليهم مابها معذار=وانا ماصرت في هالوضع لو لا شيء ،، توحوني
ورثة اسلومهم ورثة ورثة الطبع والعادات=ورثت المجد وصرت اخشى الملامة ويتناسوني
فإما عزةٍ للاسم ويبقى دائماً عالي=وإما ينكشف للناس ونكشف قمة الدوني
ونترك منزله كنا بها نحيا العلا اوهام=لمن يصبح بها أجدر فلو دامت لقاروني
وأجاوب كل من يسأل لامرٍ ماأقبله وأرضاه=وبجاوبهم قناعة حرب ربعي يوم ربوني
أعز اسمي واسم ربعي ولا يفرق حياة او موت=حرام اعز اسم ربعي ولو حتى يقصوني