|
المدخال والمخراج
سلام الله برده طيبه وان كان مافي احراج= يجي شاعر يقصر طرقة الساري ويحيها نبي ذربٍ خفيفٍ ظل بالمدخال والمخراج=ترى بعض الاوادم لا حمي بالحيل يعميها |
هلا يامرحبا ترحيب مايستقبل المنعاج = وحنا حرب والعوجا ترانا ما نعديها طلبت وطللبتك ياولد عمي جالها هداج = وعميان البصيرة ياعسا مولاك يهديها |
ياسلاااام ياسلااام
والله اني مبطي عن المحاورات وهيضتوني بالطاروق صح لسانك ياورقان وعزالله جالك هداج والاثنين شعار مبدعين ولكم متابعين والليل ....................... اللــــــــــيل ...............لا يسري اللـــــــــيل . |
يدوم إلك البقا والمايله ماهي لنا منهاج = وحنا حرب مانتبع علوم ٍ مالنا فيها والى منك حضرت المسأله ماعاد باتحتاج = على قول العرب والعرف يعطي القوس باريها |
جميل بن حمدان صح الله لسانك شاعر مبدع تشرفني مجاراتك يالذيب
محمد العريمه صح بدنك وبيض الله وجهك على الحضور المشرف |
صحيح اللي تقوله والحكي مايبني الابراج = وسلعتكم تراها بين بايعها وشاريها تهرج والعرب تنقد تراها هرجة الهراج = بحور الشعر يارجال ماجفت موانيها |
بعد حمت الدير ماشفت من عرعر الى الافلاج= ولاعاد البضاعه تنشرى من يد راعيها وانا ماني بملزومٍ ادرس صفحت الابراج= وحروف الشعر لو تخفى على الشاعر معانيها |
تبيع وتشتري واللي يبيع ويشتري دواج = وتجار العرب معروف يادواج اراضيها دواليب الزمن تخبرك باللي داخل الادراج = ونار الشوق يارجال تحرق رجل واطيها |
بعد هذي طلبت الله وسيع المعرفه فراج = عسى مزن الحيا يمطر على الديره ويسقيها كثير من العرب يفشر ولونه هو المحتاج= وكثير الناس ماودك تفتش في اوانيها |
تراها ملعبة ياخوك فالمسراج والمعراج = وخطوتك السريعة ياوسيع العرف هديها تضيق صدورنا فيها ولاضاقت يجيها افراج = ونفسك كان ضاقت مننا ياخوك نرضيها |
الساعة الآن 05:02 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir