ملتقى قبيلة حرب الرسمي - ( جاني جوابك والموافا مساجل=بين الرجال اللي لهم قدر سامي) .. مساجله

/
/
/
/
/
/
/
/
/
/
/
/
/
/
/
/
/
/

ارسلت قصيده قبل ايام
إلى الغالي / تركي عبدالله البشري
وكلفته بنقلها للشاعر القدير الجبل / سرور البشري
ولا قصّر تركي البشري في واجبه
وكذلك الشاعر /سرور البشري
الذي اسعدني بالرد الجميل
علما ً بأن ابو نايف شاعر متمكن بالقصيد مثل ماهو متمكن بالكسره
ولاكنه لايفضل نظم القصيد على الكسره
لذلك هو مقل في كتابة القصيد ونشره
واليكم المساجله

......

بدع الشاعر / خالد بن عبيد بن معتوق ألأحمدي=
انته كفو تمشي بنهج المراجل= وفعلك يطابق بالمراجل مرامي
هذا جوابي واعطه سرور عاجل=يحمل تحياتي وطيّب سلامي
مااحتاج له ساعي ولا احتاج زاجل=حيثك بضغطة زرّ توصل كلامي
واليا قراه القرم ماجاه وآجل=يعرف بلايه من حسين الوشامي
اللي خدوده كنها لحم ناجل=وله مبسم ٍ يجلي سواد الظلامي
وله حاجب ٍ محني سواة المناجل=ياويل حالي منه غظّ العظامي
فزيارته ياسرور مخجل وخاجل=سبة بخت ماسرّنا بالغرامي
وياكم بكى بالودّ بنت ٍ وراجل=من قبلنا كانوا ضحايا هيامي
رد الشاعر / سرور بن بريك البشري=
جاني جوابك والموافا مساجل=بين الرجال اللي لهم قدر سامي
يامرحبا بالسّرع ماهو بأآجل=باعداد من كبر وصلّى وصامي
باللي فطيبه ماسكن في جلاجل=دار النبوّه دار سيد الانامي
وبقدح زناد الفكر قدح السواجل=اللي لها تاثير صوب المرامي
ويامشتكي فالو د منته بداجل=كم اشتكى فالود ضرب السّهامي
استغفر الله يالعيون النواجل=والمبسم اللي مثل برق الغمامي
ام الخديد اللي ماتسكن بباجل=لاوالله الا وصفها وصف شامي
وقلب اسلبنه لابسات البناجل=ان ماصبر راعيه ليموت عامي