|
لحن للاستاذ الشاعر راشد الزهراني والمستعين بالله
راشد الزهراني= تقنعوا في قناع الزيف =واخفوا علينا حقيقتهم وقالوا زعلنا سحابة صيف = ياكم الأحباب مرتهم المستعين بالله= ليتك تسمعت لأهل الخيف = اللي جميله وصيتهم لو كنت صافي ماجاك السيف = ولاكان بلواك سرتهم راشد الزهراني= لا تحط روحك بحد الحيف = وتسير من ضمن زمرتهم بعدين تحسب خيال وطيف = والناس تخسر مودتهم المستعين بالله= يامنطلق من سفوح جريف = حتى وقع في مرابعهم بالكم ولا تجي بالكيف = مالك معي زي مامعهم راشد الزهراني= حنا وقعنا باابو العريف = واجناس الأقدار جابتهم تعلموا فالكلام احريف = وبانت علينا حقيقتهم المستعين بالله= صيتي تعدى حدود جنيف = والناس كاسب محبتهم وانت يادوبك وصلت طريف = وتشكيلنا من بغاضتهم راشد الزهراني= انتا خليفة خلف و خليف = خلفتهم في خلا فتهم حنا مواقيفنا شريف = من ناس ترهب مهابتهم المستعين بالله= ماخلتلك فالمواقف نيف = وأهل الشرف مانت شيعتهم حنيف يبقى كماهو حنيف = أمثالنا يقص خطوتهم راشد الزهراني= يامن تخفا ورى العطيف = مع ناس تجهل هويتهم حاصل لهم بالحياة ظريف = وملاحظه فوق بصمتهم كانت ورود المثل والريف = ورجاله تسر نظرتهم عادتهم يكرمون الظيف = ومعزته من معزتهم اقدامهم للوفا وقيف = جيل بعد جيل سيرتهم ماتعد عنهم مواقف هيف = ولا خلل في سريرتهم ((وياصحابناسامحونا)) |
يا سلام على المحاورة
صحت السنتكم ابدعتم والله |
مبدع يابن العم المحيط كعادتك الاحترام والرد المقنع وصحت السنتكم والله يـعـطـيـكم الـعـافيـــــــــــة بيض الله وجيهكم |
صحت السنتكما للـــه دركم ودر حضوركم المثمر الله يرعاكم |
صحت السنتكم وبيض الله وجيهكم
لكم تقديري |
راشد الزهراني= يامن تخفا ورى العطيف = مع ناس تجهل هويتهم حاصل لهم بالحياة ظريف = وملاحظه فوق بصمتهم كانت ورود المثل والريف = ورجاله تسر نظرتهم عادتهم يكرمون الظيف = ومعزته من معزتهم اقدامهم للوفا وقيف = جيل بعد جيل سيرتهم ماتعد عنهم مواقف هيف = ولا خلل في سريرتهم صح الله لسانك شاعرنا الغالي ولاهنت وسلم فكرك وبنانك دمت برعاية الله وحفظة |
أساتذتي راشد الزهراني * المستعين بالله بدع و رد ولا أحلا ربي يسعد ايامكم ولياليكم |
اخي الكريم ناصر القايدي صحت السنتهم وبيض الله وجيهم وتسلم اياديك ع النقل الرائع كروعة حضورك الجميل والمميز شكري وتقديري |
هذه الكسرة فقط خاطره ليس لها علاقة باي منتدى لا من قريب ولا من بعيد ونزلتها هنا واشادوا بها اخواني الشعراء وفي منتدى اهل المعنى واشادوا بها كذالك ونزلتها في منتدى اخر اعترضني فيها احد الاعضاء بطريقه ليست لائقه البته على العموم هو حاول يستفزني ويسب زهران وارد عليه بالمثل ويكسب تعاطف الاعضاء الكرام الذين تركوه ولم يعيروه اهتمام واشكرهم على ذالك واناحبيت ارد عليه هو وحده ((واحفاد الصحابه والملوك معروفين واهل الشرف معروفين )) اما اهل ينبع وشعرائها ومنتدياتها ما شفت منهم الا الطيب و الادب والاحترام فلهم مني كل الود والتقدير وحبيت الابتعاد مؤقتا فقط اشكر ك اخي ناصر القايدي الكريم لنقلها هنا في ملتقى حرب الغالي لكي يطلع عليها اخواني الكرام واشكر الجميع على تعليقاتهم التي تسعد الخاطر |
بكل مافيها المحاوره رائعه صحت السنتكم وبيض الله وجيهكم على هذا الابداااع - الله يعطيكم العافية نشكر ناقلها ناصر القايدي |
الساعة الآن 08:09 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir