يا بـلال ماشـفّي عـمارات وكــنـوز=شفّي صحاصـيح الـفـيافي ولاجـراد
مدهال خشف الريم بالخـبت والقوز=وعـرق الغضى قدم المغاتـير منقـاد
وقـتٍ مضا مابه سـفاري ولاكـروز=تـجـدل مع البـيـدا قـناطيـش الاذواد
لاوا وجودي وجـد مـن حـط عـكّوز=عـقـب المديد اللّي مع الشـيخ عـواد
لاقـيـل ســولـف ون ثـم قال هـاموز=راح الزمان اللّي بـه اعــنان وشـداد
لوشاف بعض الناس واشكال فيروز=عـاف الحياه وحـرّم الشرب والـزاد
هـذا وجودي واخـفي العـلم بـرمـوز=عـلى هـنـوفٍ دونـها سـيـف وعـناد
عـين اشقرٍ مشبوك باالضلع ابو لوز=والــعـود برديّـن عـلى شــط بـغـداد
مضفي دعاثـيره عـلى نهـد مركوز=شـقـرٍ مغذّيهن عـلى المسك والـكـاد
مهـيـوفة الخصرين والردف منـبوز=اومة بقلبي وانهزع حيل منغاد
قالو كـبرت وقـلت مـدله ولاجــوز=عـن جـادلـي لـوقـال عـاذل ونـقّـاد
لـه منـزلٍ بـيـن المعالـيـق محجـوز=وايـضا بصدري له بسـاتيـن وبـلاد
العــشـق ماهـوعـيـب يانافـخ الـبـوز=كـب الهذاري والعزاوي با الاجداد
واللّـي ذلـوله تـرثـع احـيان وتـنـوز=لازلّة الـشـيـمه لـها اهـجـار وقـيـاد
لو كان بهـروجـه دهــاويـر ولـغـوز=بــشّار مسـياره عـلى حسـين وانجاد
مـاقـل دل اوّصًـل الـعـلـم عـطـروز=مـن جـاب ودّالـه قـراشـيـع واعـتاد

التوقيع مساعد الجليدي

المشاركة الأصلية كتبت بواسطة ألمعيلي (المشاركة 1250825) مساعد الجليدي صح السانك ملايين ,قصيده جميله من شاعر حابكها 100% الله يعطيك العافيه

المشاركة الأصلية كتبت بواسطة (عبدالله الوهبي) (المشاركة 1250978) الشاعرالقديرمساعدالجليدي صح لسانك واعتلا شانك.شاعرجزل ابداع وتميز... وذكرتناباالايام الجميله الله يسامحك تقبل خالص تحياتي وأعجابي

المشاركة الأصلية كتبت بواسطة رابح الجحدلي (المشاركة 1251019) صح الله لسانك يا القرم والله يـعـطـيـك الـعـافيـــــــــــة بيض الله وجهك

صح السانك اخوي,,,

,,, قمة المعنى,,,,,,,
,,,,,,,,,,,,,,,,,,,