عيا عليه النوم من وحشت الناس=من بعد ما باعد زماني ضنيني
ان جيت اغمض قال لي القلب لاباس=كيف المنام يجيك داوي ونيني
قلت الدوا دونه متاريس حراس=وعسكر معاهم سيف له شفرتيني
غير العواذل بيننا تفلق الراس=فظهورنا هرج القفا له طنيني
جهدي احطه بين دله ومحماس=ماغير احمس البن وانا حزيني
يابعدهم ياقربهم قرب الأضراس=قدام عيني لا اجيه ويجيني
وان قلت اغمض زارني وسط الأعماس=رد السلام وقام يمسك يديني
فتحت عيني وإنه الطيف عساس=قصده يجس النبض *ويسمع حنيني
حسبي على ودٍ بلا مس وارماس=ماغير شوف العين والشوف شيني
مثل الذي ظامي وجنبه روا اغراس=لكن حبله قصر ولاهو متيني
دونت ما فالقلب من *فوق قرطاس=فيه الحروف اللي تلخص سنيني
ياطير بلغ خلي الود باحساس=رد السلام وقول ربك يعيني
الليل بعده صبح يضوي بنبراس=واللي خفا فالليل بكره يبيني
وختامها صلو على طيب الساس=اللي سجد لله فالقبلتيني

المشاركة الأصلية كتبت بواسطة العطيب (المشاركة 1247833) الله الله......................الله علييييييييييييك يا الزويهري قصيدة تروي العطشان من الشعر صح السانك وبيض الله وجهك وفايف لها الشامخة