|
ديوان الشاعر فايز نافع الأحمدي (أبــو رغـــد)
الثانية بعد منتصف الليل
ثـــــار الـحـنـيــن وطـــــاف بـالـقـلــب طــايـــف=وغـــديــــت انـــــــا مــابــيـــن فـــاتــــل ونـــقــــاض أبــنـــي بـيـوت(ن)شـامـخــات(ن) ظـــرايـــف=يطـــــــرب لـــــها قلـــب المـــــعنا أذا هـــــــاض اسـرجـتــهــن مــــــن غــزرفــكـــري وصـــايــــف=والـبـسـتـهــن جــــــزل الـمـعــانــي والالـــفــــاض تـــجـــيـــك نـــظـــمـــن كــالــعــقـــود الــلــطـــايـــف=في نحر خود(ن) من نزيهات الاعراض لاصـــــرت مـشــتــاق(ن) لــنـــاب الـــردايـــف=كـثـر البـطـا يـجـلـب عـلــى قـلـبـك امـــراض مــــــن ذاق حــــــب الـنـاعــســات الــرهــايـــف=محد(ن)يلـومـه لــو سـهـى وقــت الافــراض مـــــــــــاراح عٌــــــزامــــــي لــــــكــــــل الــــطــــوايــــف=حـتــى الـقـريـب الــلــي يـجٌـزيــة الاغــمــاض قـصـرتـهــا عـــــن شــــــر عٌـجـز(ن)هــدايــف=الـهــن مــــع الـشـيـطـان ســطــوه ومــركــاض هـمـسـاتـه(ن)بـالــلــيــل مــــــثــــــل الــــقــــذايــــف=لــــو كــــان بـيـتــك صــلــب خـلٌــنــه انــقـــاض مــايـــنــفـــعـــك بـــلفـــايـــتـــات الــحســــايــــف=ولايــنــبٌـــه الـمــشــغــول عــشــريـــن وعــــــــاض كـــــم غـــــازي(ن) يـخــتــار درب الـنـكـايــف=ومــاكـــل غـــــازي راجـــــي الـــربـــح قـــبـــاض |
ديـــــــرة ورجــــــــــال
ياالله يامعبود في سر وجهــــــــــار= يـــاعالماً سر النفوس وخفاهــــــــا ياقابل التوبة وللذنب غفـــــــــــــــار= بسمك بدعت القاف في مبتداهــــــا يامرحبا بشيوخنا نسل الأحــــــــرار =يامشرفين الحفل عزا وجاهــــــــــا ترحيب مثل الغيث لاهــــــل مدرار =وسالت شعاب الارض وانبت فلاها سرابي الهوجاس يالربع وافكــــــار=ورحت اتخيل في الديار وحلاهـــا سمر الجبال الشامخة عز واكبــــار =ديارنا واللي عشقنا ثراهـــــــــــــا جات القوافي من عذيبات الأشعـار=انظم معانيها واجود بناهـــــــــــــا واكتب عدد ماهبت الريح بشجار= وعد الرمال اللي شكت من ضماها ياناشدا عن ديرتي جتك الأخبــــار =ديرة سلوم الطيب للي بغاهـــــــــا أرضٍ كساها الطيب وتسر الأنظار= معشوقتي ماحب قلبي سواهــــــــا سمر الجبال ديارنا مابها انكــــــار= نحبها ونحب منهو مشاهـــــــــــــا فيها النخل شاهد ويحكي لك أسرار= ورياض بالخيرات ربي حباهـــــــا والما قراح ومن عميقات واغـــزار= من عد لاوردت وروده رواهــــــــا وياما حلاها ديرتي وقت الأمطـــار= برق يلوح ومزنةً هل مـــــاهـــــــــا تسمع رزيم رعودها يهز الأســـوار= بامر الولي ساق السحاب وسقاهـــا ويازينها لاربعت عشب وازهــــــار= لاهب نسناس الهبايب طواهــــــــــا والنحل يجني بين الأزهار واثمــــار= والدلو فوق البير عِلّـــــــــق رشاها والصيد فيها طل من راس مسبــــار= بين الصخور وممتنع في ذراهــــــا وبيت الشعر مبني على عز ووقـــار =يلقى به الخطار كامل قراهــــــــــــا والنجر صوته ذاع مع فج الأنـــوار= هقوة وشيمة للبيوت وغلاهــــــــــا وفنجال من دلة بها بن وبهـــــــــار= وزين العوايد عند منهو سخاهــــــــا وفي برها جمعة على شبة النـــــار=وقاف لعشاق المثايل مناهــــــــــــــا وزهم الفرنجي في الميادين لاثـــار= في شمّخ الضلعان تسمع صداهــــــا هي ديرتي لو امحلت لو غارت ابيار= هي عزنا في عسر السنين ورخاهــا اعشق لهيب القيض في جوها الحار= واعشق حصاها والرمال ولظاهـــــا أرض الجدود اللي عربين الاذكار=أهل الفعول اللي قديم ثناهــــــــــــــا ربعي عوايدهم حشيمة ومـقـــــدار =وشيخِ عظيمات المراجل حواهـــــــا حلالة القالات لو سار ماســــــــار =ومن حدته سود الليالي نصاهــــــــــا لاسولفو حكمة وقصة وتعبــــــــار= يامدورٍ طيب القلوب وصفاهــــــــــا ريف الضيوف اللي من البعد خطار= أهل الكرم والجود حيّ نباهــــــــــــا يمنى سخية ماتعـــــــــرف التعــّذّار=طيبٍ من أهل الطيب طيّب عطاهـــا يحكي لك التاريخ نبذه من أخبـــــار= يا الأحمدي تنبيك عن ما وراهــــــا ماضٍ مجيد وقصة أبطال واحرار=ناموس كسبوه الرجال وقداهــــــــــا ربعي حماة الدار من كل غــــــدّار=لارفرف البيرق ودارت رحاهــــــــا أهل السيوف المرهفة حد بتّـــــــار= كم قطرت في أرض المعارك دماها الأحمدي في قمـــــة الـمـجد له دار= ربعي قناديل الدجى في سماهــــــــا واليوم جيلٍ في المعالي له اصرار= روس الطوايل في العلوم اعتلاهـــــا والحر مايسكن مطامين الأوكــــار= مواكره عسرة على من رقاهــــــــــا والأحمدي مذكور في كل مضمار= وحق ترا مدح الرجال بوفاهـــــــــــا وصلات ربي عد من للحرم سار= على الذي سماه مولاه طاهـــــــــــــا |
من على مرقـاب يمعـن بالنظـر=لـه سهـامٍ مالهـا أبـدًا مثـيـل شوف عينـي يافـعٍ يسبـر سبـر=كامل الأوصاف نقّـاض الجديـل جامـحٍ كالصيـد رقـاي الوعـر=هايـمٍ مستشـرفٍ عـوده نحيـل فاطـنٍ مستنبـهٍ حــذرٍ فــرر=مرْ خايف من مثـل قالـوا وقيـل مايبـي أهـل المـدن والمستـقـر=عشقـه البـرّان والشـفّ العليـل من وصوفه كنـه الظبـي العفـر=لا بدا لـه زول أصخـر بالجفيـل درةٍ مكنـونـهـا كــلــه در=رلفّها ثـوبٍ طـرازه مـن خميـل مايشابـهـا ولا نــور القـمـر=لا ظهر بين السحايب وقـت ليـل مالها توصيف مـن بيـن البشـر=كاحلة بالزيـن والطّـرف الكحيـل ترقب القناص فـي لمـح البصـر=والهـدب لجفونهـا ظـلٍّ ظلـيـل صيرميـة بنـت شيـخٍ لـه قـدر=رزّةٍ بالطـول والشعـر الطويـل أجوديـة مـع تباشـيـر الفـجـر=نجرها تسمـع دنينـه لـه وليـل بدويـة ماتحـب طبـع الحضـر=نرجسيّـة مـا تعـرف المستحيـل تستثيـر الوجـد بابيـات الشعـر=كـل يـوم الهـا جريـحٍ أو قتيـل تستجـم بريحـة أزهـار المطـر=تعزف لحون الِحدا من عـذب قيـل الطيور صفوف مع بنـت المطـر=تستمـع للقـول واللحـن الجميـل كل ما مرّت على غصـنٍ خضـر=هاضت الأغصان تطلبهـا المقيـل لو وطت باقدامهـا جـدبٍ زهـر=لو تناظـر للسّمـا تخجـل سهيـل لو تغيب الشمس فـي ليـلٍ ظهـر=نورها يطغى علـى الليـل المِهيـل لو يديها لامسـت سطـح الصخـر=ذابت الصّخـرة وحنّـت للمسيـل تستشـف الـود وتصـده قـهـر=ليـن يرجـع مـن تخيلهـا ذليـل كل مـا غضيّـت طرفـي اعتـذر=قال مقـدر كـان تقـدر يابخيـل جيت أسولف كـل مافينـي خـدر=خاننـي التعبيـر ولسانـي ثقيـل لو حصرت وصوفها وأبغى اختصر=ضاع توصيفي وضيّعت الحصيـل |
رحلة شــــوق
يمر الوقت ياروحي وانا وحدي مع الأشواق=أعاني حسرت بعادك ويبكي كل مافيني سحر نجواك عذبني وخلاني وراك أنساق=تقول أني لك مسير وطيفك هو عناويني يبان الشوق في عيوني وقلبي لهفة المشتاق=وانا كل ماتخيلتك أشوف العالم بعيني بنيت في خافقي عرشك وسرت لنبضه الخفاق=ترفق بالخفوق اللي حمل حبك من سنيني حبيبي لو خذاك الوقت وقلبك لا هي00 (ن) مافاق=أعيش العمرفي حسره وبقايا روح تنعيني |
عـــز المنــــام
البارحه والناس هجاع ورقود=عز المنام وطيف زوله نحابي هماً لجى في خافقي ماله حدود=وكل مايزيد الفكر زاد العنا بي ماينتهي صده ولا أحتمل زود=وكل ماذكرته ضاع مني صوابي بيني وبينه ياحمد عهد ووعود=أعطش وترويني العدود العذابي أخلف مواعيدي على غير معهود=أرضى غروره وأرتضالي عذابي عقب الرضى أول مصادير وورود=واليوم أسلم مايرد الجوابي |
أنا أحمدي ولي الفخر هامتي فوق
أعداد مايمشن وماسار( ن)النوق=واعداد ماجادت مزون(ن)مهاميل سلام ياعزوت(ن) كلها ذوق=يالابتي ياهل الوجيه المقابيل من مجلس(ن) أسس على ساس موثوق=صرح الأدب محمي عن القال والقيل ترحيبت(ن) تصدر من أعماق خافوق=للاحمدي راع الكرم ذابح الحيل واثني بهلا ترحيبت(ن) كلها شوق=ومعطرة من ريحة البن والهيل لملفى الشيوخ اللي لهم عندنا شفوق=ومن دونهم نشرب مرار الفناجيل من منتدى يشهد له الكل مرموق=مجالس(ن) ما تعتريها عراقيل شامخ بربعه من وفيين وصدوق=ولم الشمل هو غايته والمحاصيل نظمت أنا شطر القصيدة على اللوق=وعجز القصيدة ناظمه دون تظليل كلاً على طرقه طرق درب وطروق=يامسهل العسرات عليك التساهيل الله وهبني بالجزيلات منطوق=والبيت له ساس (ن) وللحرف تحليل أنا أحمدي ولي الفخر هامتي فوق=وبالشعر أمثل عزوتي خير تمثيل زود الغلا يجري مع الدم في عروق=بني حمد نفخر بها جيل ٍ بعد جيل يالابتي والمجد ورث(ن) له نتوق=بالواجبات اللي عليهن دواليل بني حمد لابه لها العز معشوق=حلالت القالات عدالة الميل حب الوطن حق (ن) وللقاده حقوق=سمعاً وطاعة في المواقف وتكميل درب (ن) مشوه جدودنا نمشيه بوثوق=مجدن وقدر (ن) ماتنوله مناويل مجد(ن) مؤرخ من قديم ٍ ومرفوق=ومصادر التاريخ فيها التفاصيل بني حمد ياغيمة ٍ وسطها بروق=يفزع رعدها أهل القلوب المغاليل حنا رقينا هامة المجد وشهوق=بافعالنا ماهو بكثر الأقاويل وحنا على روس الطويله لنا لوق=أحامده ونذلل الصعب تذليل يالابت(ن) نرخص لها الروح ونسوق=أرواحنا لحوض المنايا أبابيل أن صاح صايحنا لنا فعل ويشوق=فخر وشجاعة وخيلنا فاول الخيل صناديد الرجال ونعطي الفعل مطبوق=لا ثارت الهيجا وعجن مفاتيل كم واحد ٍ فكوه ربعي من ضيوق=وكم حوض وردو بالخيول المصاهيل لا من زبنا منتخي يشكي العوق=يقلط على قروم الرجال الحلاحيل خصيمنا من طارد الموت ملحوق=نسقيه كاس اهل السيوف المصاقيل يصبر على مر العذابين ويذوق=اللي قرب حد الحصون المقافيل راع الردى صوته عن الحق مخنوق=وفي سلمنا لهل الوفا ندبل الكيل منهو زرع طيب(ن) حصد نتجه عذوق=وراع الردى زرعه في جدب المماحيل درب النقى واضح ولاهو بمدروق=واللي أنعمي لو يلبسونه درابيل مايقبل الهزلات وافي وصادوق=الراس راس وكل خبل (ن) ترا ذيل الكذب شمسه مالها شعاع وشروق=والصدق نوره ماتحجبه مخاييل لعل قلب(ن) طبعه الحسٌد محروق=يقضي حياته غارقن في البهاذيل ولعل رجل (ن) طبعه البخل والبوق=يُبكى عليه من الدموع الهماميل يالله دخيلك من بلا كل مصفوق=ويارب تكفينا شرور المهابيل واختم كلامي بالنبي خير مخلوق=المصطفى محمد ختام المراسيل |
ليلي طويل ولهفة الشوق عنوان=راح الزمن والقيد ماسك يديني لهيب شوقي منبعه عمق وجدان=مكنون فيه الحب بينك وبينــــي تنزف عروقي شوق في كل الاحيان=تشكي وانا ابكي كل ماضي سنيني لك في حنايا القلب ذكرى وتحنان=أبنتظرك العمــــــر كله تــــــجيني |
قصيدة في حفل الشيخ صادق بن سلطان
عٌد المزوِِِِن وعد برق ٍ تعقٌرب=وعٌد السحاب اللي نشى مركماني سلام ياربعي ويامفخرت حرب=اللي بهم أفخر وينطق لساني تشُرق بي القيفان ولا تغرب=أجيب صدر البيت والعجز ثاني أقول أنا اللي جيت وآنا أطوي الدرب=ملبين دعوة عقيد ٍ دعاني أهلاً هلا يامرحبا والفين مٌرحب=مرسولكم جاني وطيبك لفاني واثني بهلا ترحيبت المسك واطيب=لهل الكرم واهل الشرف والمكاني الشيخ أبن سلطان صادق له الحب=أفرح ليا من جيت للشيخ عاني شهم ٍ كريم ٍ في الكرم ماتكرب=فعله عظيم وبالكرم ترجماني أبنا عمومه وزدت في جمعنا قرب=وحققت بالحفل المنظم أماني شيخ ٍنشى بالجود من يوم هو شب=الله يفكه من شرور الزماني سديد راي ومن جدود ٍ معرب=يفرحبه الخطار وجار ٍ وعاني زبن الدخيل وماعنه يوم جنب=قربه ضمان وللدخيل الضماني حلال قالات ٍوله موقف ٍ صلب=عقيد قوم وفي المواقف يباني الحر سليل الحر حر ٍ مدرب=والمرجله يالربع ماهي تماني بني حمد لنا الوفاء جل مكسب=نكرم جميل الفعل بالزعفراني بني حمد لا من تداعت نوجب=لنا الطويله عند قاصي وداني بني حمد أُسد الميادين ترعب=لا ثارت الهيجه وكلاً بشاني لاذ الخصيم وفي المواجه تغيب=يوم الملاحم سطروها تفاني أسقوه نار ٍ من بواريد تلهب=كيد الخصيم وداحرة كل جاني بني حمد ياعزوتي يالابت القرب=ولاخانني في مدح القبايل بناني وعلى النبي صلاتنا ترضي الرب=وعذرن على تقصيرنا في المعاني |
طالـــــبـــك
طالبك يامن ترتجي فضله الناس=ياخالقٍِ خلقه وتعلم خفاها تفرج لمن نفسه جفت حلو الاوناس=وهجر ملذات الحياه ونساها وقلبه معاليقه من الهم يباس=يوم الليالي كدرت له صفاها دنياً بها البوم أعتلى وكر قرناس=والصقر يخطي صيدته لابغاها يسلى بها قلبٍ عديم من الأحساس=داله وسالى سابحٍ في هناها وقلبي رهينة كل طاري وهوجاس=عليه دنيا البين دارت رحاها الشيب بانت لي مواريه في الراس=ودنياي جايرتٍ علي بقساها تحدنا دنيا القراده على الساس=ولا أدري بما تخفي الليالي وراها أحدٍ تنظُم له عقودٍ من الماس=وأحدٍ حصيله من حياته عناها قبلي شكوها مرذية قب الا فراس=شيوخ الرجال اللي يذري ذراها لطامة العايل عديمين الا جناس=شرابة الوزنه ولو قل ماها قالو خطرها دوم يقرع بالجراس=ومرورها تنسيك لذة حلاها لكن على حبل الرجاء باطوي الياس=واصبر عليها لين أجَمع دواها إ ن كان فيها امهلني الموت لا باس=سايرتها لين أقدر ألعن ثواها وإن مت يادنيا القراده والإفلاس=كلن يموت وحاجته ماقضاها |
مشاهدة واقعية
أسئل اللي جرب أنواع النكد=ما لجور الوقت طب الا الصبر العمر تجري لياليه وتعد=لين يختمها قضى حكم القدر عن زمان الصدق لاتنشد احد=وان نشدته جابته لك ماتسر كل واحد في حياته يجتهد=والكذب غير مفاهيم البشر كان ودك ويش راي أبو رغد=مابقى في هالشجر غصنً خضر الأبو أصبح يهاب من الولد=والحباري ماتهاب من الصقر الوفا ماتو هله غبن ولهد=والضمير اللي انت خابر يحتضر |
الساعة الآن 07:51 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir