=



=




=




=




=




=




=




=

ابوفرح=
على هداوه وقرت بال = وزنت قافي ومحرافي
واقول في طالع الاقوال = سلام يالشاعر الوافي
ابوعيد=
مع راحت البال واسعد حال = نبغى المثل من فكر صافي
منك احتري اعذب الامثال = ترحيب لاهل الوفا ضافي
ابوفرح=
حام النظر في سهل وجبال = ورده لمبداه ماشافي
ذا وقت فيه الحمول ثقال = ولاهو عليك الامر خافي
ابوعيد=
بعد النظر ماراء الاهوال = عن واقعه سار بخلافي
دايم0 لثقل الحمول رجال = مايثمنه غير عرافي
ابوفرح=
الجمه اللي على المدهال = غثرب صفى عدها السافي
اللي وردها بدون حبال = وش رايكم فيه ياسنافي
ابوعيد=
لنّ كان جمه على منهال = لو وردها عذب ينعافي
مثل الذي ينزل المسيال = ولاحسب حساب ياكافي
ابوفرح=
ماهي عوايدك يالنبال = تشت في رمي الاهدافي
عطني حكم فيه دون جدال = لاتجيب لي قول شفافي
ابوعيد=
من عادتي اوفي المكيال = ماحيد عن نهج الاسلافي
والحكم فاللي ورد فالحال = يفصّل له الراس سيافي

المشاركة الأصلية كتبت بواسطة تلميذ الكسرة (المشاركة 1242060) كلام شعراء كبار و عمالقة بمعنى الكلمة

المشاركة الأصلية كتبت بواسطة عبدالعزيز الزويهري (المشاركة 1242062) سلمتم و صحت السنتكم و بيض الله وجيهكم لحن جميل و راقي دمتم بخير