بخيتان =
دورت في معجم الاصحاب = وبحثت بذات عنّك اشكل
عييت لا اطب فالاسباب = اللي تخليك ما تسئل
وليف الطير =
دورت عذرٍ يسد الباب = واكسب ودادك ولا تزعل
لوقلت ناسي ترى مرتاب = وابشر بحقن لك يكمل
بخيتان =
ماهو زعل يالحبيب عتاب = عمر الزعل منك مايحصل
لجلك اخو وافقده لا غاب = اقل واجب عليه ارسل
وليف الطير =
خطيت حرفي وانا في إعجاب = من حرفك اللي لنا منهل
انت مكانك فوسط اهداب = وحلفت والله ماتنزل
بخيتان =
حرفك كما طبعك الجذاب = إن جيت للحق ما ينمل
دُرر ثمينه في طيه جاب = احيت لي الروح والمحفل

اخواني الكرام
بخيتان البشري
وليف الطير
صحت السنتكم وبيض الله وجيهكم
ابداع في ابداع
شكري وتقديري

المشاركة الأصلية كتبت بواسطة حرب (المشاركة 1238541) محاوره رااااائعه ولاغرابه والى الامام

المشاركة الأصلية كتبت بواسطة الكحيلة (المشاركة 1238542) صحت الالسن وطابت القلوب ابداع من اهل الابداع لاغرابة