العمر مره ماهو الفين مره=والموت مره ماهو بعدة امرار
والحر لو يصبر على كل حره=يموت مايصبر على الذل و العار
له نظرتن ماهي مثل كل نظره=لو تختلف عن نظرته كل الانظار
ماطاحت عيونه على جال حفره=ماطاحت الا فوق سلمى وسنجار
الموت له سكره وللذل سكره=والعار قص وجيهنا قص منشار
مليار مسلم وزنهم وزن ذره=لو اتفلوا كان اغرقوا جيش بشار
والرافضه لو دبرت أي دبره=ماحركت ساكن ولا ثوّر غبار
البوم بوم ولو غدا البوم كثره=وحنا عيال احرار لا قالوا احرار
يازمرة اللي شافت الناس كفره=ياعيال متعه مدري عيال مسيار
سماك فيصل طيّب الله قبره=من حافظ النَعجه قبل ينجب حمار
لو كان وصفي مايوفيه قدره=غير الزراف وغير حمال الاسفار
الكلب نجس وأَنجس الكلب دبره=يا انجس من الثنتين و انجس من الفار
ويخسا نجاد ولا خفا اللاش مكره=اكبر ذنب واصغر على القاع من سار
ماهو بمن كثرك ولا هو بكثره=ندعس على وجهك تحت كل بسطار
علي الطلاق اِلاّ نخليك عبره=وعلي الطلاق إنا على الموت جسّار
قلته و انا من حرب ياقرد جبره=نكتب بدمك لاذبحناك تذكار
وبنحوركم نبقا كما راس الابره=يخسا العميل وخاين الدين والدار

الله واكبر ياهل القيل والقال=حتى قفا سِرحانهم ما احتمتله
الكلب لو ينبح على كل موال=يبطي وماسحم الذيابه عوتله
العلم كان اللي هرج فيه رجال=واللي مهو برجال لا تلتفتله
أبوبدر لاعوّد الوقت مدهال=ماعقّبن البيض ماشابهتله
متجملن فيهم على كل الاحوال=والعفن في تال الزمن عززتله
تبقا الهزال هزال وجزالها جزال=الفرق واضح والعرب صفقتله
امن الحسد قامت من الحقد تكتال=ولو هي شفاعة غيبته ما اشفعتله
الطيب دونه تقصر ايدين الانذال=وبرجولهم و ايدينهم ماوصلتله
والله يالولا حشمتي بعض الازوال=شهّرت باللي مالبشر شهرتله
عفويتن قامت تسلسل تسلسال=في خاطري ولّخاطري سلسلتله
سلام مني لابيض الوجه والفال=سرّيتها يوم انها روحتله
يوم انها ضاقت وضاقت بي الحال=له عَنوتن يم الحفر سجلتله
يفعل وهو يقدر على اكبر ولا زال=يشتال حملن ما الجمال اقدرتله
لامنها كبرت لها رجال وجبال=شاهد عيان ولابتي شاهَدتله
ويشهد علي ربي بعد بدع الامثال=مالي ورا بدعه ونقضه وفتله
هاذي شهادة حق والحق ينقال=و اشهد ولو في شاهد الحق قتله

أنا شاقني قافن سرابي جمالن فيه=بناها على إيه وبناها على أنّه
ألا واعذابي كل مامرني طاريه=وهو مادرابي لو طواريّ مرنه
من اللي تحريت اربع سنين وآنا ارجيه=وقفّا ولا ادري وين الايام ودنه
ألا واوجودي يوم ورق الحمام اوحيه=وجود العزيز اليا الصواديف حدنه
على اللي قصار وجيه ماهم طوال وجيه=اوّجه العزيز طوال الاشبار طشنه
تهيضت من بيت القصيده ومن راعيه=عسى الله يلوم اللي من الناس لامنه
وسبحان من يدري بشيّن ولاندريه=تطير الطيور وماحوا الرزق جابنه

يستاهل الطيّب نغني له الطرق=ولاّ الردي فيه القصيده خساره
اللي خواته مابه وبينهن فرق=مثله مثل نوره وحصه وساره
واللي يدور مصلحه من ورا القرق=عقله صغيّر مثل راس الزقاره
عفويتن جتني وانا متجه شرق=بالعده اللي شلتها بالغماره
مضرين رجلي على معافر الطرق=لها معي رخصه وسواق طاره
وخايلت براق الحيا لاابرق البرق=وبرق الحيا طول علي انتظاره
وقشر العيون بصافي دموعها غرق=من عقب شافن الجفا والمراره
لي الذي سبّح له الطير والورق=ياعالمن سر العباد وجهاره
تفرج لعين اللي غدا نومها سرق=لا ليله بليل ونهاره نهاره
شين على مثلي حرق خافقه حرق=مالي جدا واصبر على حرق ناره

ياصاحبي فسرتها غير تفسير=ماني مضرّيها على موتة النار
لي سجتن و ان كان عندي مسايير=خليتهم يمي يلدون الانظار
هاذي سببها ضيقتي والتفاكير=ماهو بطبعي لكن الوقت غدار
لا تامن الدنيا ترى مابها خير=مثل البحر مايامنه كل بحار
تضحك وروس انيابها كالمناشير=ياغافلن عنها ترى الوقت دوار
و اقرب مثال من الزهر والنواوير=عقب الحيا تصبح لواهيب وغبار
حالي يابوتركي كما حالة الزير=ماذاق حلو النوم من سبة الثار
عانيت من مبطي و انا توي اصغير=والحمد للوالي على حكم الاقدار
ماسبته حب البني الغنادير=أو سبته زود الخساير والاسعار
ياليتها ضيقه تجي تالي اعصير=ياشاعر المره طويلين الاشبار
وفي حروة المذن عقب ياكل الطير=لا اوحيت ذكر الله غدا كل مرار
مير البلا شين كما طويق والنير=همي ثقيل وزايد الهم جبار
كنه يدق الجوف دق المسامير=دقت مسامير الخشب عند نجار
لاعاد تشره لو قطعت الازارير=الخافي اعظم كان بيّنت الاسرار
صبرت لكن الليالي مدابير=وطبع الجمل يصبر على حمل الاوزار
يمكن بها خيره ورحمه وتكفير=لامن دنت والموت قصاف الاعمار

الكيف يِسهرني و انا منعمس عمس=وليا انقطع ياسوق صنعا ندلّك
النوم ماجاني وعهدي به من امس=كل العرب نامت و انا ساهرلّك
سلام ياخدن كما صورة الشمس=عيني ولو طال النظر ماتملّك
ياللي شذا صوتك يسولف لي بهمس=غصبن على آذان البشر يرتخلّك
شفتك وشفتيني و انا منحمس حمس=وكل العيون الباقيه ينظرلّك
و ان كان عينك ياغناتي على الجمس=أنا وجمسي كلنا فدوتلّك
عقرب وشد آزرته ماهي بلمس=يطربك و ان طال السفر مايعلّك
قيرين أرضيه تعاشيقها خمس=لامرّك بسرعه خطيرن يشلّك
قلبي بغبات الهوى منغمس غمس=وين انت ياقلبي وياوين خلّك
لا ياحياتن و آخر ايامها رمس=عفتك وعفت امن العمر باقيلّك

منقول من منتدى الحوامضه الرسمي



.