|
لوعت الحرمان
ياما كلينا للجروح و دفنا
و ياما تحملنا و طقنا ولا طاق لو يشرح المشتاق شوقه وغنا ماعاد يبقا للبشر حبر و اوراق بالمختصر يا توت يا تمر حنا حبه تربع فالحنايا و العماق اليا لفانا يطلب اللي تمنا واليا جفا يا عنك ماعنه نشتاق ما عاد يتحمل خفوق المعنى من لوعت الحرمان بالحيل منعاق صبره وصل حده و شعّره تجنا من هول ما شافه و من مُرّ ماذاق اسهل علينا لو نغادر وطنا ولا دمعة الفرقا على خد عشاق الله يخارجنا و منها يمنا ولا شوف خد الخل بالدمع رقراق قلبه خلص ليّه و ياما تعنا لجلي ومن شاني وللعهد ما باق عليك ياللي للعطا ما تمنا تحلها من قبل نشفات الارياق دبرّ لها حلّن و منا و منا ترا الجفا والبُعد للروح زهاق للبعد ما يقوا ولا بعد حنا نقوا على فرقاه لو يوم نشتاق للبعد غربه لو نعاشر اهلنا من صدمت الفرقا لافقنا ولا فاق وين انت ياللي دوم زبن المجنا ضاقت بي الحيله و درب الوصل ضاق الله يجازي فالقفا من طعنا اللي سعي بيني و بينه بالافراق هذا الخبر للخل ردوه عنا وده معلق جوف قلبي بمعلاق فالغيد يالغالي ماغيرك فتنا حسيٍّن فالصوره رافيعٍ فالاخلاق شاعر ولك طرقٍ مميز وفنا تشغف قلوب اللي للاشعار ذواق |
شاعر ولك طرقٍ مميز وفنا
تشغف قلوب اللي للاشعار ذواق عجيييييييييييب هنا بيت القصيد يا المحيسن هههه قصيدة رااايعة من شاعر متمكن الله يفرجها عليك ويرد لك غاليك صح السانك وبيض الله وجهك |
صح السانك وبيض الله وجهك
|
الشاعر
فايز المحيسن صح لسانك وعتلا شانك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الشاعر فايز المحيسن
صح لسانك وبيض الله وجهك على هالجزلة ياراعي الجزالة لاهنت |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
اخوي الغالي الشاعر المبدع المتألق....فايز المحيسن صح صح صح لسانك يابعدي على ها الشامخه حاولت اقتبس بيت اوبيتين لكن القصيده كلها قالت لا اقتبسني كلي..من اجمل ماقرأت يشهد الله وبدون ادنى مجامله ابدعت والكل يشهد على ابداعاتك اخوي فايز ابداع وجزاله ومتعودينها منك وعسى عمرك طويل |
صح السانك يابو ماجد مبدع كاالعاده اللة يعطيك العافيه |
لاهنت وصح السانك
تقبل التقدير والاحترام وفقك الله |
الساعة الآن 07:44 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir