يافكري الراقي تخير من القوم=اللي يماشونك على حسن نية
بعض البشر ماهو مكلف وملزوم=ولا تشوف من حضرت جنابه خطية
ان كان أجزلت العطا له محشوم=ومحشوم لو ما نال منك العطية
وبعض البشر من كثر ما صابه الزوم=هوْ في نحية .. والمراجل نحية
ان قلت له ياهيه تراك معزوم=على النبا والطيب والشاذلية
قال وش نلقاه في رجل معدوم=بنروح للي يكثرون الهدية
ما يدري أنه عندنا سالم اللوم=وهناك جنب النار وأبعد شوية
يا وجد روحي وجد من حارب النوم=عينه .. من صروف الزمان ورديه
من حي لو بادلته الفعل مليوم=من ناس ما تعرف وشاللي خفية
منه بنى بنيه على حرف له يوم=يهوي ولو عمدان بنيه قويه
ومبنى الذرى يبقى على العز ويدوم=لو زلزلت بقعاء الرياح العتية
ياصاحبي لا تخوض في أمر محتوم=ولا تجيبها مابين هذي وذيه
الصاحب اللي لاشتكى الصاحب يسوم=روحه .. ولو تورد حياض المنية
أهل المجالس كوم ومجالسه كوم=وأنا مثل فرقاه صعبٍ عليه
لكنها طابت ولي درب معلوم=يعطي على ورقان والناصبية

المشاركة الأصلية كتبت بواسطة سرورالبشري (المشاركة 1230542) تسلم على الأبداع صح لسانك وبيض الله وجهك تقبل تحيتي وتقديري

المشاركة الأصلية كتبت بواسطة رابح الجحدلي (المشاركة 1230544) تسجيل تواجد في منبر الجزاله صح لساانكـ بيض الله وجهك

المشاركة الأصلية كتبت بواسطة العطيب (المشاركة 1230886) يااااااااااااااااااااااااااسلااااااااااااااااااااا اااام صح السانك على الجزالة وبيض الله وجهك وتستحق الفايف

المشاركة الأصلية كتبت بواسطة فهد ابن غانم (المشاركة 1231172) صح الله لسانك ولاهنت وسلم فكرك وبنانك دمت برعاية الله وحفظة