|
لحن بيني وبين القدير/ قادم من بعيد
قادم من بعيد الكل يثني على التثمين = شاعر على الطيب وافانا لحروفكم حيل مشتاقين = ونطرب مع الحرف لاجانا .................................................. ................ ابو حسين يعجبني الحرف والتلوين = اللي من الهم نسانا مدامكم للصفا ناوين = علوا اللحن ارفعوا الدانا .................................................. ...................... قادم من بعيد على مقام الصبا تلحين = عزفه على العود اشقانا سرحت لحظه مع الغالين = من داخل القلب بكانا .................................................. ..................... ابو حسين عزف الصبا للمفارق شين = يم الحزن ليه ودانا قله يغيّر مقامه الحين = صوب المأسي لايحدانا .................................................. ................... قادم من بعيد ماشي على العزف يامفتين = رصده على العود عنّانا بعد الذي صار مذهولين = من يوم غادر وخلانا الدمع اصبح على الخدين = ونيران الاشواق تصلانا جروح الايام كيف تلين = لما الامل فيه جافانا .................................................. ................. ابو حسين سلامة الروح ياشاكين = صوت الالم حيل آذانا طبع الزمن في القسى واللين = على كذا الوقت ربانا ان كان في الود متساوين = يرجعلكم زي ماكانا وان كان ماهو من الشارين= اشطب سجله من الآنا .................................................. ................. قادم من بعيد ماهو كذا الحال يابو حسين = قولك مخالف لمعنانا بينتلك في اول التعين = لما الامل راح واقفانا والقول واضح بلاتخمين = لجل الاسى نص شكوانا اللي من سنين محرومين = وشفت الفرح كيف عادانا نبقى على الحال مجروحين = لانه الهم نادانا مجبور اذرف دموع العين = لافارق الود دنيانا الصبر قلي اجيبه منين = هذا الزمن كامل اعضانا .................................................. .............. ابو حسين بنيت حكمي على تبين = والحكم مختوم بامضانا الجيم جاكم بحسب السين = ما..شي في العرف يخفانا مااعطيك حكمي على شكلين = عيد النظر شوف فتوانا ارضى وانا ارضى من الوافين = تميّز القيل وبنانا وان كنت غاوي من الغاوين = الحق حاكم وسلطانا القول نقضاه بالتمكين = وان جالنا ماتعدانا بارباب الامثال متقدين = في دربنا نحسب خطانا باقي عوارف وموجودين = اعرضلهم كل دعوانا |
صحت السنتكم والله يـعـطـيـكم الـعـافيـــــــــــة بيض الله وجيهكم |
صحت السنتكم على هذا الابداع الرائع وبيض الله وجيهكم
|
صحت السنتكم على هذا الابداع الرائع وبيض الله وجيهكم
|
قادم من بعيد و ابوحسين صحت السنتكم وبيض الله وجيهكم ياسلام على هذا الحوار الشيق والممتع مبدعين0 الله يعطيكم العافيه |
باقي عوارف وموجودين = اعرضلهم كل دعوانا قفله رائعة يابو حسين جمعت حرية الاختيار لقادم من بعيد وبها انتهى اللحن واختيار قادم بعيد قبول الحكم وكلاكما شاعرين كبيرين صحت السنتكم على هذا الابداع الرائع وبيض الله وجيهكم |
اقتباس:
لاهنت ولاهان منطوقك اراقي احترامي وتقديري |
اقتباس:
يعطيك العافيه ولاهنت ولاهان منطوقك احترامي وتقديري |
اقتباس:
لا هنت ولاهان منطوقك الراقي احترامي وتقديري |
اقتباس:
كل الشكر والتقدير على مرورك الكريم لاهنت ولاهان منطوقك الرائع احترامي وتقديري |
الساعة الآن 10:19 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir