لو مايحب الزين ما كان ماكان = يبكي على شانه ويهل الدموعي
و ما يصف من اجله باساديس واثمان = والسبت ماهو قبل يوم الربوعي
وانا فاهم وانا حاكم وسلطان = افخر بربعي وتفتخربي ربوعي
وانت علامك بين الاجواد نشبان = انشد و تلقى لك جواب (ن) سنوعي
لوتعرف ان الحق مايرضي اثنان = اما فمان الله والا الرجوعي
والناس قيل اجناس واحزاب واديان = يهودي ومسلم وفيهم شيوعي
والخير مايندس والشر لابان = راعيه ماينجح بحرب ودروعي
مايفوز راع الشر والخير كسبان = الله حسيب اللي يكب الطبوعي
الدرب واضح والمزكين الاعيان = والعارفه مايكفح اللي قنوعي
هذا مسير الوقت وطبوع الازمان = لو كان وانه كل ساعه بنوعي
ولو مايحب الزين ما كان ماكان = يبكي على شانه ويهل الدموعي

البيرق المنصور
صح لسانك والله يبيض وجهك على ها القصيده