ملتقى قبيلة حرب الرسمي

السلام عليكم ورحمة الله وبركاته

اسعد الله مسائكم / صباحكم بكل خير

الشاعر عبدالله مفلح البشري الحربي ، شآعر غني عن التعريف معروف بجزالته الشعريه وموهبته الجمّه

واسلوبه المميز وتصويره الراقي .. لم استطع إلا ان اسمي قصائده بـ ( ثلاثية الابعاد )

قال لي بعض قصائده ، وقرأتها فيما بعد . واستوقفتني بعض قصائده .

التي كانت هي مما دفعني لكتابة هذه القصيده المتواضعه

ابو همآم شآعر جزل ، اتمنا انه تفي لو بالقليل من حقه ، واتمنا ان تنال استحسان الجميع .

انا اشهد انك جبتها ياابو همام = ماكنك إلا تقرأ الافكار مني
عبر البيوت المحكم ٍ بدعها احكام= تقل تكلم ياأبيض الوجه عني
ارسل بكار الفكر للمنهل همام = لكن مناديب الفكر يرجعني
مع دربهن عن دربهن سوّن زحام = تحاسدن بالدرب لاياردني
كل ٍ تقول الاوله عندي إلزام = وكل ٍ تبي تشرب قبل يشربني
واصبحت كني ياابو همام صوام = الماء يشوفه مير له مايدني
وخليتها حول النحيه لها إرزام = شمس ٍ بها الاحداق ماينظرني
وانته ليا هبت ذعاذيع الانسام = بالشعر لك ميزه، وحرفه، وفني
حكمك عليه يشابه لحكم صدام = اللي حكم كردي، وشيعي ، وسني
مير انت حكمك مابقاموسه إعدام = بالعكس ، يحيي نادرات ٍ مظني
ياحي شعر ٍ كنه الكوكب التام = بعض الكواكب لابدا يختفني
حتى لو انا مانشوفه بالاعلام = والصحف عن ماقال مايكتبني
يعرض على شاشات الافكار بإتمام = بإتمام جوده عاليه يعرضني
إليا قصد بالشرق، يقصد ورى الشام = واللي بليّا شداد بالشرق ضني
هو يحسب انه مرهي وكارب حزام = مايدري انه بالمضامي يغني
ياراعي الجزلات يالملهم الهام = اللي لك العوب الصعاب اخضعني
ذكرتني بيت ٍ لسبتي من اعوام = قاله قبل ، بمساجلات ٍ دهني
من بين عيد وبين عفاس واشمام = رد العسيلي يومهن له شعني
الكل منهم بالمهمات مقدام = واشعارهم لأجزل شعر ينسبني
وانته مافيك قصور وابصم بالابهام =لأجل الحقائق باللقاء يشهدني
لو كان ماانت بحاجتي طول الايام = هيض القريحه جاب مما يكني
تعبير موجز والخوافي لك جسام = المفردات لعدّهن ماكفني
يالله عساك بخير يانسل الاكرام = وتعيش دايم بالحياه امتهني
خل العواذل خلف دام انت قدام = الذيب ماخافه مع الوقت جني

ودمتم سآلمين