ابو مبارك اليوبي=
سلام والضلع يجمعنا=ومن قبله الدم والارحام
ياصلك ياشاعر المعنى =صادر من الشرق فالدمام
شاعرصبح=
يامرحبا حرف مبدعنا=للرزق ياشهم ماتنلام
ابيات هزت مسامعنا=ورحمك لنا ياالعزيز اوسام
ابو مبارك اليوبي=
ابـيـاتـنــا فـــــي مـرابـعــنــا=واجب تهز اليمن والشام
افـيـدنـي كـيــف يسـعـفـنـا=الـوقـت مــع دورة الايــام
شاعرصبح=
لابد حاجه تقنعنا=حتى يكون الحضور الزام
بس انت وافق وطاوعنا =وانزورها كل غرة عام
ابومبارك اليوبي=
البعد مهما يلوعنا=الحال دايم على مايرام
والان بشكي مواجعنا=ياصاحبي زادت الاسقام
شاعر صبح=
شاللى حصل لاتروعنا=حتى معك ندبل الاسهام
واللى عن الخوض رافعنا=مابيننا يالوفى فهام
ابومبارك اليوبي=
كلما نسينا يرجعنا=الشوق ويسير بي قدام
يرسي وكن الهوى معنا=فالقلب ويزيدها الألام
شاعر صبح=
الكل هذى طبايعنا=فرقه وياتى بعدها ليام
وياما فهذا تبادعنا=وياما بها خطت الاقلام