قصيده في الشيخ فيصل الفرم
 

بسم الله الرحمن الرحيم
الشيخ/فيصل بن عبدالمحسن الفرم :
سلام يامن جيت ودي بلقياك
ونفسي على شوفك وعرفك شفيقه

واقفى النهار وزل وانا اتحراك
احسب لمنكافك دقيقة دقيقه

ترا العوض تشريف طلعة محياك
في منزلي ميعاد حق وحقيقه

عرفك شرف والي الشرف في ملاقاك
يامن تنومس رفقته مع رفيقه

رجل نعرفك من محامد مزاياك
اللي تناقلها مصادر وثيقه

نعرفك لو بالعين ماقط شفناك
نعرفك من ذكر الوجيه الطليقه

لافعالك اللي كل ماحل طرياك
اثنوبها واضحت مع اسمك لصيقه

ولايمدح اللا الكفو مثلك وشرواك
اللي لكسب الطيب ماشن يعيقه

ولاهي غريبه يوم الامداح تزهاك
الابو طيب والقبيلة عريقه

من ساس عود في مماشيه رباك
عساه في جنات عدن الوريقه

الشيخ ابوجلال بالوصف هذاك
نجم علا فوق النجوم المويقه

شيخ له الشيخان منّا ومنّاك
تمشي بظله نورها من بريقه

وانته على الطالات ممشاه ممشاك
بالمرجله ولكل عصر طريقه

على خطاه اليوم سارت خطاياك
تكمل مسير المرجله في طريقه

كل المراجل والفخر حوش يمناك
لك في مناهلها موارد عميقه

رضعتها مع حالي الدر بغذاك
وورثتها ميراث ماهي لفيقه

في بيت عزن مدرج الجود خاواك
يكبر معك مثل الشقيق وشقيقه

عايشت فيه وعشت من سن الادراك
جودا رجال للمراجل سبيقه

تدور بك نوهاتهم مثل الافلاك
ومعها نشيت وجت لنفسك عشيقه

الطيب منك وفيك والمدح حاواك
قول تصدقه الفعول العتيقه

واختامها يافيصل الفرم حيّاك
الشعر تقدير الصديق لصديقه

************************************************** *******************
الشاعر/ محمد بن عبد الرحمن بن محمد ابونيان ـ الفيضه

¨°o.O (يامرحبا يامرحبا بالشاعر الكبير ابونيان) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

وانت سالم وغانم


صح لسانك على هالرائعه

اخوي رابح صح بدنك ومشكور على عباراتك اللطيفه

اخوي الكنترول صح بدنك وانت اروع

صح لسانك






لك تقديري

صح لسانك وبيّض الله وجهك

الشيخ /فيصل الفرم يستاهل المدح وانت كفيت ووفيت

تحياااااااااااتي لك

الاخ العزيز الشاعر القدير محمد ابو نيان سلمه الله

عزالله انك قلت واجزلت

ومدحت من هو كفواً للمدح وكل ماقلت فيه من سمعه قال صدقت صدقت وصح السانك مليون مليون ومايكفون


ولله دررررررك



والفرم يستاهل المدح ومن اهله بيض الله وجهك يابو نيان


تحيتي وتقديري لشخصك الكريم