|
شيخً ولد شيخً و منا و فينا
السلام عليكم ورحمة الله وبركاته
" " ما حّدنا للصبر غير انت يا مـير = والا الصبر يا مير منّه اكتفينا لك عندنا حشمه و وزعّه و تقــدير = ومن شان عينك يوم رحنا وجينا لو كان غيرك ما ظربنا مشاوير = و أحقوقنا و الله نخذها بدينا حاضر بحاضر ما نتحرّى تفاسير = اما افترو والآ ترانا افترينا بعض الخطايا ما تحّمل توأخير = صدر الشمال يضيّق لو كان مينا يوم الخطا جانا كبيرٍ من إكبير = قلنا وش اللي فيه حنا ابتلينا ما هدنا ياكود طيبك لنا غير = وحنا لفعل الطيب ماقد نسينا وانك بعد محسوب ظمن المشاهير = اللي نحطه فالمواقف يمينا من اول الزلات نخسرّك ما يصير = ولا نعرّضك للبيع غالي علينا يا معربّ الجدين تسوى طـوابير= شيــخً ولـد شيــخً و منا و فينا لاشك ماخاب الرجا فالمناعير = ولا خاب فيك الظن واللي هقينا جتنا معاذيرك سوات المعاصير = و جتنا مغاليقك يا حتا رضينا اللي حصل مقبور جوف المعاذير = طابت خواطرنا ومنّه اصـطفينا ومع السلامه وانتقابل على خــير = لا جيتنا نفرح وتفرح لا جينا |
قصيدة طيبه من راس طيب اخوي فايز ..
صح بدنك وفالك خير يالقرم والله يحل عنك كل كربه وتاخذ حقك وافي مكمل .. |
صح لسانك يا فايز قصيده جزله والله يكتب اللي فيه الخير تقبل مروري |
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك وعلى شانك مااحلى هالابداع والجزالة والمعاني السامية
لكنها ماهي غريبة على معبد هم ارباب الشعر وعلوم الرجال تقبل المرور والتقدير |
والنعم بالجميع
وصح السانك وبيض الله وجهك ولا تطول الغيبة نبلغ عنك هههههههههههههه |
اقتباس:
|
الشاعر
فايز المحسين صح لسانك وعتلا شانك وبالفعل الرجال تقبل معاذير بعضها اذا كانت وافيه وانتم كلكم وافين راعي العذر ومن قبل العذر |
صح لسانك وسلم بنانك
قصيدة رائعه بروعة حضورك لك تقديري |
هلا هلا .بخوي القدير والشاعر الكبير..فايز المحيسن
صح لسانك وبيّض الله وجهك على ها الجزله والوفى من الوافين لايستغرب وكذالك الابداع من اهله لايستغرب وراعي العذر كفو ومن قبل به كفو .... عيال معبد اشهد لكم بالوفى ياعيال عمي |
الساعة الآن 06:21 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir